طرشي صورتج عشآن اخطبج

49 thoughts on “طرشي صورتج عشآن اخطبج”

1. الله يرحم زمان أول
   ما كان الواحد يتشرط
   يخطبوله أهله وحده على عينهم وخلاص

   ليت الزماااان الماضي يعووود…

2. هاللي قاصر بعد جيه بشكاره و الا بشكاره

   خخخ
   يعني انتي ضد هالشي
   شطووره
   اشكر زيارتج الحلووه بيبي دبي

3. السلام عليكم ورحمة الله وبركاته

   هذا الموضوع ذو شجون. انا ما قريت الردود كلها لأنها ما شاء الله وايد بس طبعا مثل ما قالو الاخوان اهم شي الدين والاخلاق. بس مب غلط الواحد يشوف له وحدة على قدر معين من الجمال لأنه هو في النهاية يريد يستر نفسه بعد واللي ما ادش خاطرة يمكن اتكون عند غيره حلوة

   انا اشوف انه الخطبة فقدت هدفها لأنه الناس صارت تعتبرها خطوة لا رجعة فيها. اذا رحت خطبت ما تقدر تفسخ الخطبة عشان شيه بعض الشباب يحاولون يشوفون البنت عن طريق الصور قبل المقابلة خلنا انقول الرسمية

4. الصوره وما ادراك مالصوره ,,,,,,,,,,,,,

   لا الخطابه تنعطى الصوره ولا حتى اهل المعرس ينعطون الصوره ……………

   من طق الباب لقى الجواب .. ابى اخطب بنتكم … تفضل حياك.. وبنتنا تشوفك نعم تشوفك يمكن انت ما تعجبها …

   واذا تم اللقاء الاجتماعي الذي حلله الله وبارك نتج منه الزواج المبارك , اذا لم يتم فأنعم الله على ماقدر عسي المانع خير .

   بقيت كلمتين مهمتين …….

   الصوره ما تنعطي لكي لا تحول على النت وما ادراك ما النت ؟؟ او تنعطي لجاهل لايعرف كنهها اقصد المعرس المنتظر!!!

   الثانيه … همسه في اذن بنتي واختي وبنات المسلمين وحتى اهلهم ……

   لاتزعلين اذا هذا وذاك بعد الخطبه لم يكن نصيب بل خلى اعزومج قويه ثقي بنفسك وشموخك قويه لان زوجك ما وصل ,

   واذا وصل صدقيني ما راح يتأخر زواجك ولا ثانيه .. لان الله يقول في محكم كتابه ( وكل شيئ خلقناه بقدر ) .

   ( كوني طفله مع وقف التنفيذ حتى ياتي النصيب )

   شكرا اختي escape life على هذا الموضوع الاجتماعي (ماغلطنا بالاسم هذه المره )

   شوف ترا هذي حركات شوية شبااب
   ارفضها قبل ما هي ترفضني
   بس ما يدري ان من ورا حركته هذي حطتها وهي الغبيه وافقت واهلها
   بس الحمد لله في ناس طيبه شراتكم متمسكه بالصح
   وان شاء الله كل بنت في حالتها تستفيد من هالكلام وحتى اذا ماكان نصيبها
   فالدنيا بتحصل فالاخره احسن منه

   كوني طفله مع وقف التنفيذ حتى ياتي النصيب
   اعجبتني جدا
   كلام كبير اخويه اشكرك عليه وعلى زيارتك الرائعه
   وغلط كتبت اسمي لازم اول الحروف e و l كبار
   غصب اطلع غلط خخخ

Comments are closed.