يقولون من علامة الساعه ظهور الفتن …
اصرااحه شي مب طبيعي اللي يالس يستوي في البلااااد …
الخسف بيحل علينا من يووور البنات …
امسات كنت في الفستيفال سيتي … سايرين اونه بنتعشى .. لكن العيون شبعت من الشوف .. عافاني الله صدقتي Ursoul … يلسنا في المطعم وهذا اونه نحن يالسين عزاويه برووحنا جو عائلي … لكن استغفر الله العظيم … اول شي كانو يالسين حذالنا تصقيـــــع وطبعا” موضة البلاك بيري وكل وحده ما تراوي الثانيه شو تسوي … ابدا ولا محترمين الموجودين …
واللي قهرني في الموضوع … بعد في طاوله ثانيه … بنات ميلسات اونهن من مشجعات ريال مدريد خخخخخ
قابضاات يس وشت .. ما عندهن غير هاي الكلمة … وعقب حسيت باحساااس غريب انه في حد يطالعنا … يوووم صديت اوني بشوف شي والا هاااااي اللي عيونها عنا بس باقي نقولها تفضلي يلسي ويانا … يعني عيب ريال وحرمته انتي شو مشكلتج في الموضوع اتم تطالعنا يوم اصد صدت الصوب الثاني وعقب تميت اطالعهااااا 
وابتسم … … .. والمشكله يصلقن من فوق لين تحت .. ويا هالروج الاحمر تقولون مالسيلانيات يوم يحطنه .. فضلت عنهن .. والكعب اللي جنهن يمشن عمسمار … عنبووووهن ريلهم ما تعورهم
قسما بالله قمت استحقر هلاشكال من الخاطر
حتى والله نسيت الاشيا اللي بشتريهن وحاطه في بالي بعد
يعني الوحده مثلا ما تروم تظهر تسير مكان من اللي نشوفه يعني اصراااحه شي ينرفز
ولااااا يوم يشوفون الوحده حاشمه عمرها يقولووولها جيــــــــــــــب … ما جنه محد غيرهن الجيب ..
صح البعض يقول حريه شخصيه لكن هذا لا يرضي لا الله ولا رسوله …
واسال الله العفو والعافيه … والله يجيرنا من اي مكروه ويلقنا شهاده قبل الموت والفوز في الجنه
الله يهدي الجميع
__________________
ضعف الايمان في قلوبهم
صحيح انه الله غفور رحيم
ولكنه
شديد العقاب
__________________
كل شي جايز في هالزمن
والله يهيدنا ويهديهم
وانا اشكر على ردك الطيب … ولوووو المووووووت ما اسير عند وحده بهزبها … ما اخيس لساني وياهن
بس ما اقول حسبي الله عليهم
__________________
يالغاليه اتوقع انه بنات العرب الله ميزهن عن الوافدات
وانا اعرف واااااايد
بنات عرب وجبايل ولهم سمعتهم في الدار
ويوم من الايام ما استحيت منها
قلتلها يا فلانه
ما تخيلين تظهرين من البيت بكشج
وما تدرين انه النمص لعنه يعني طرد من رحمة الله
وبكل برووود ترد عليه
هذا ابوووويه ما يخلينا نظهر الا جيه هو عودنا وعن شل الحواجب ما اقدر اودر لاني تعودت … انزين ورب العالمين .. قالت خير ان شاء الله
وانا في خاطريه اقول والنعم الابوووو
ريااااااال
وهو في باله انه الحرمه الحشيمه متخلفه مايدري المتخلف انه هو وبيتحاسب حساب عسير عند رب العالمين
وبحلقي عينج
في كل وحده تشل حواايبها
اطاااالعي
اي نوووووووووووور يطلع من ويها
__________________