شي ينرفز

42 thoughts on “شي ينرفز”

1. لكن العتب الأول والأخير عليكم أنتو يالرياييل…أنتو السبب في هاي الأجيال الظاهرة..

   والسبب….الأم مدرسة أذا أعددتها أعددت شعب طيب الأعراق والأخلاق..

   إذا الأم اللي أنتو ما خذينها لا تعرف بالأخلاق..ومحدورة الله أعلم من أي عرق ….!!!!

   فليش يالسين تلومون الجيل اللي ما يعرف وين فطرته…!!!

   السلام عليكم

   ههههه نحن السبب ؟!!

   اذا الام مصخرة ..نحن شو يخصنا ؟؟

   و اذا قلنا ما نبا نتزوج و البنت شكلها بتخرب العيال .. بتقولووون هاااااا بيسيرووون يدورووون وافدات و فليبينيات… و بيعنسوون بناتنا …

   ذبحتونا..
   و على فكره.. البنات الي انا شفتهن 100% مواطنات .. الرمسه 100% صحححح مب بس الرمسه .. المصطلحات بعد..

   تحياتي

   كلامك صحيح 100%

   وانا اشهد

   __________________

2. هذا وانتي بنت اختي لاحظتي هالشي وشهد شاهد من اهله يعني نحن الشباب يوم نقوولكم في كذا وكذا نوعيه من البنات لاتتظايقوون لانه فعلن هالشي موجود ويقررر لدرجة بعض الاجانب والوافدييين يستغربوون يقولوون هاييله مواطنات ؟؟ نقوولهم هي نعم لللاسف ونحن منزليين رووسنا من الي يسوونه

   فعلن الفستفال كان اول مافتحو سنتر هادي وراقي وحلو حق العوايل بس هالايام استوى سنتر مغازل وعرض أزياء وبس

   نصيحه لكل أخت متزوجه : اخذي ريلج وسيري وياه المطاعم صوب مرسى دبي ولا ذا ووك شرررط نص الاسبووع مش اخر الاسبووع واخذو راحتكم وافتكوو من هالاشكال مشاهد الاجانب ولا مجابل الكشييش …

   الغلط مني انا كنت ابا اسوق … جني في حياتي ما شفت محلات …

   لكن ما هقيت الفيستيفال يغدي زباله

   __________________

3. تدرون المصيبه انه حتي في اروبا ماشي هذا المنكر

   وين متسيرون اي دوله ويكون فيها قسم حق العرب (اليرب)بعيد عنكم
   نفس الشاكله بس سؤال وين القانون والحمله الي يتكلم عنها ضاحي خلفان
   هذا المركز يوم فتحوه كان فاضي ومافي زحمه ولوث

   والحين وخاصه ايام العطل مصيبه البنت تطالعك في نص عينك لا مستحه ولا هم يحزنون
   وشرط لازم تكون متزوج عندهم عشان تبدا هذي الحركات ولو عزابي ميعطونك ويه
   بس عشان يشعلون المشاكل ويشعللون الغيره في قلب الحريم وديمرون يومهم العائلي

   براطم صب امركبه وكعب مع لفتر كت عشان تطول عمرها

   ومعجون اساس مركة جوتن مال الاصباغ عشان تبيض

   والله ما شفت شي في الاوروبين يوم يلست هل كمن اسبوع

   وان شفت رومنسييين … في حالهم محد يصد جداااهم مب شرا العرب من شافو شي بققو بعيونهم

   ياحافظ على الطول والجمال اللي الله منعمه علينا

   ما اقدر اقص على عمري والبس كعب دبوس وادج البقعه دج

   شل الله كالفني

   لكن ما وراااهم ولي

   وصدقت

   اذا شافوا عاايله بيصدن ويبحلقن بعيونهن

   والا عزاابي برايه

   بس

   كلاااام ضاحي خلفان مع احترامي له … نسمع الكلاام والتهديد … واللي يسمعه يقول هني الدنيا

   ولكن الواقع ما نشوف شي

   يعني خطفو علينا كمن واحد من الجنس الثالث بشنطهم واكياسهم ماااشي عود البان

   لكن ما نشوف حد زخه ولا سوبه شي

   __________________

4. في ذمتج ياختي سلبت الروح .. ما لقيتي الا فستيفال سيتي تسيرينه انتي و العايله .؟

   هذا المكان المفروض يسمونه مول اللووث .. لانه بجد كل الشباب و البنات اللي فيه صايرين شرات الغررب

   عافانا الله .. اللهم لا تؤاخذنا بما فعل السفهاء منا

   ..

   عاد انا الفيستيفال من 6 شهور ما طحته … فقيره على نياتي قلت في خاطريه بيكون زوين احسن عن باقي المولات ما دريتبه انه ردي

   __________________

5. صدقتي في كل كلمه قلتيها … والله ما اقص عليج كنت بالخميس في الفيستيفال سيتي ويا بو العيال دخلنا ماكروني قريل نتعشى وطلبنا نيلس برع المهم الجهه الثانيه من المطعم اعتقد فيه كوفي شوب والله ما اقص عليكم
   شلة بنات ضرب شيشه وضحك بصوت عالي
   وحتي يلسو عدالهم شباب محترمين بس الظاهر ما استحملو حركاتهن السخيفه على طول شلو بعمارهم… واطلعو عاد انا مجابلتنهم ومخليه بو العيال يعطيهم ظهره يقول مخنوق من ريحة الشيشه … ماشيء ولي وراهن عنبو الشباب خفو ها الحركات وكلهن على قولة اختي ( سلبت الروح ) يصلقن من فوق ليت

   بس ما اقول غير حسبي الله على اللي يابكن من ابلادكن والله يرحمك يا اللي كنت اميودنهن !

   مشكوره اختي الغالية سلبت الروح
   بس كل يوم ايورن ازياده وبعدني اطالب بوجود هيئه شبيهه بهيئة الامر بالمعروف والنهي عن المنكر عسب يضبطون اللي مب امربايات

   شو ما يصلقن يا ختيه … حسبي الله عليهن اشارات المرور

   هاي ام الروج الاحمر قاااااااااااااهرتني

   لو اشوفها مره ثانيه

   عادي احرقها

   

   لانه مب حرام ترتكب فيهم جريمه

   بس ما توقعت المراكز استوت دنيّه لهذا الحد

   __________________

Comments are closed.