يقولون من علامة الساعه ظهور الفتن …
اصرااحه شي مب طبيعي اللي يالس يستوي في البلااااد …
الخسف بيحل علينا من يووور البنات …
امسات كنت في الفستيفال سيتي … سايرين اونه بنتعشى .. لكن العيون شبعت من الشوف .. عافاني الله صدقتي Ursoul … يلسنا في المطعم وهذا اونه نحن يالسين عزاويه برووحنا جو عائلي … لكن استغفر الله العظيم … اول شي كانو يالسين حذالنا تصقيـــــع وطبعا” موضة البلاك بيري وكل وحده ما تراوي الثانيه شو تسوي … ابدا ولا محترمين الموجودين …
واللي قهرني في الموضوع … بعد في طاوله ثانيه … بنات ميلسات اونهن من مشجعات ريال مدريد خخخخخ
قابضاات يس وشت .. ما عندهن غير هاي الكلمة … وعقب حسيت باحساااس غريب انه في حد يطالعنا … يوووم صديت اوني بشوف شي والا هاااااي اللي عيونها عنا بس باقي نقولها تفضلي يلسي ويانا … يعني عيب ريال وحرمته انتي شو مشكلتج في الموضوع اتم تطالعنا يوم اصد صدت الصوب الثاني وعقب تميت اطالعهااااا 
وابتسم … … .. والمشكله يصلقن من فوق لين تحت .. ويا هالروج الاحمر تقولون مالسيلانيات يوم يحطنه .. فضلت عنهن .. والكعب اللي جنهن يمشن عمسمار … عنبووووهن ريلهم ما تعورهم
قسما بالله قمت استحقر هلاشكال من الخاطر
حتى والله نسيت الاشيا اللي بشتريهن وحاطه في بالي بعد
يعني الوحده مثلا ما تروم تظهر تسير مكان من اللي نشوفه يعني اصراااحه شي ينرفز
ولااااا يوم يشوفون الوحده حاشمه عمرها يقولووولها جيــــــــــــــب … ما جنه محد غيرهن الجيب ..
صح البعض يقول حريه شخصيه لكن هذا لا يرضي لا الله ولا رسوله …
واسال الله العفو والعافيه … والله يجيرنا من اي مكروه ويلقنا شهاده قبل الموت والفوز في الجنه
في بنات يكشخن وكل شي بس هب بمعنى انهن صايعات !!
ربيعي ياي يرقم وحده كاشخه ماسوت لها سالفه وكم واحد
جدامي ياي يرقمها ومسوت لهم سالفه .. يعني مابنحط في ذمتنا
ان كل وحده تكشخ خلاص بايعتنها .. بس مهما يكون مايوز اللي تسويه وتي المول بكامل كشختها وحالتها لله
الله يهديهم !!!! يوم اهلهم مخلينهم على كيفهم شو نسوي ؟!!
الله يهديهم
السبب الأول والأخير يرد للتربيه نفسها بغض النظر عن الجنسيات
يقولك ” أذا كان رب الاسرة على الدف طارق ٌ.. فماشيم اهل البيت الا الرّقصُ!!! “
أنا سامعه عن امهــــات فاسقات يربن بناتهن ع الفسق
والله يهدي الكل
.
.
أختي سلبت الروح .أحيي فيج الغيره على بنات البلاد ..هذا أذا كانن من البلاد مووب متعلقات عليها..
أذا قل الوازع الديني سواء عند البنت ولا عند الريال .. فأتوقعي أي شي ….
المشكله مووب في المول ولا من البلاك بيري ولا من الريال مدريد …المشكله من سوء التربيه اللي هيه أساس المشكله كلها و قلة الحياء واللوث اللي في المولات وغيره…
أنزين هذيلا شو الحل وياهن ؟
أما أنج تروحين لهن وتهزبينهم كمن هزبه وتهزأينهن .. بس بعد ما فيه فايده ..بتوصخين لسانج ويا هالأشكال.
أو فيه حل ثاني …
في مثل يقول: خل القرعا ترعا .. .أنتي توج يايه من أوروبا شفتي حد يطالع حد .. أكيد لا .. فأنتي أحسن شي أطنشينهن ولا جنهن موجودات…
نسأل الله الهدايه والستر والصلاح لشباب الأمه
لكن العتب الأول والأخير عليكم أنتو يالرياييل…أنتو السبب في هاي الأجيال الظاهرة..
والسبب….الأم مدرسة أذا أعددتها أعددت شعب طيب الأعراق والأخلاق..
إذا الأم اللي أنتو ما خذينها لا تعرف بالأخلاق..ومحدورة الله أعلم من أي عرق ….!!!!
فليش يالسين تلومون الجيل اللي ما يعرف وين فطرته…!!!
السلام عليكم
ههههه نحن السبب ؟!!
اذا الام مصخرة ..نحن شو يخصنا ؟؟
و اذا قلنا ما نبا نتزوج و البنت شكلها بتخرب العيال .. بتقولووون هاااااا بيسيرووون يدورووون وافدات و فليبينيات… و بيعنسوون بناتنا …
ذبحتونا..
و على فكره.. البنات الي انا شفتهن 100% مواطنات .. الرمسه 100% صحححح مب بس الرمسه .. المصطلحات بعد..
تحياتي
سؤال بس…؟؟؟؟
كيف عرفت أنهن مواطنات…؟؟؟
بالعباية والشيلة…محد ما تم يلبس العباية والشيلة..ولا بعد أزيدك من الشعر بيت…يلبسن نقاب …شو رايك؟؟؟؟؟؟؟
عرفتهن بالرمسة…في وافدات وجنسيات غريبة….تضبط الرمسة الإماراتية …أحسن عن المواطن نفسه…!!!
هالأيام البنات يعرفن كيف يجذبن الشباب المواطنين باللبس المواطن والرمسة المضبوطة 100%..
وصدقني والكلام للكل…المواطنات الشريفات العفيفات بنات التربية والأخلاق…
مستحيل يجرأن على هاي الحركات..
لكن فيه مواطنات…هجين….نعم هجين….ما عندهن مانع من هاي الحركات..
وأهلهن يشجعونهن..لأن الأهل هن من هاي الطينة..
لكن العتب الأول والأخير عليكم أنتو يالرياييل…أنتو السبب في هاي الأجيال الظاهرة..
والسبب….الأم مدرسة أذا أعددتها أعددت شعب طيب الأعراق والأخلاق..
إذا الأم اللي أنتو ما خذينها لا تعرف بالأخلاق..ومحدورة الله أعلم من أي عرق ….!!!!
فليش يالسين تلومون الجيل اللي ما يعرف وين فطرته…!!!
__________________