شو عطرك في العيد ,,؟؟؟

67 thoughts on “شو عطرك في العيد ,,؟؟؟”

1. ما شي غير تدّخن بالعود و تتعطر بالكريد الابيض، تطلع شيخ.

   أنا بصراحه عندي حساسيه من دهن العود و ماحطه إلا في يوم العيد، عشان ماكون على قولة واحد من اللي شاركوا “ وافد ودخيل على الدار و ماعنده ….“.
   بس عاد عقب الساعه 12 الضهر تلقاني مشوط و معصب، كله من دهن العود.
   جربت أغلب أنواع دهن العود، بس مافي فايده، الصداع ما يخوز عني.

   و الناس أذواق.

   أي نوع أحسنهم ؟

   ممكن تطرشلي إسمه عالخاص ؟

   بس هذا كيف بسأل عنه إذا إسمه ما ينطرى، أخاف أنطرد من المحل.

   باريس غاليري محتكرنه عندنا، بس في محل في السوق الحره لمطار دبي يبيعه بـ 384 درهم. و أصلي مب تجاري. مكانه في المغادرون أول ما تدخل السوق الحره تلقاه فـ ويهك، مكانه ما يضيّع موليه.

   دومي أوصي الربع عليه يوم يسافرون.
   إن بغيتلك غرشه خبرني، واحد من الربع بيسافر عقب العيد، بحاول أكلمه.

   اخوي هذا احسن واحد فيهم وريحته تينن لا كريد ولا غيره

   

   اسمه M. Micallef Note Vanillée

2. انا ماخذ كريد اليدي من الخارج

   وايد روعه وخذيت اسكادا اليديد نسائي بعد روعه

   بس ماكليف الاصفر والازرق بعد روعه

3. حد منكم جرب عطر جوتشي اليديد ,, اللي شكله يشبه فيرزاتشي الاسود ؟

   وفي عطر فلانتينو اليديد ريك ان روز ,,, شو رايكم فيه ؟

4. اخوي متعني ومتصرف ,, انا اعرف ان الاسعار أقل بشوي من الاسعار اللي برع السوق الحرة ,,

   بس تأكد ان الكريد اليديد هب الجديم ,,

5. كريد ابيض وصل سعره 770 درهم؟ انا استخدمه من كم سنه..اشتريته في 2006 بـ 370 درهم وكنت اقول عنه غالي، بعد سنه رفعوا سعره 470 درهم، طبعا باريس غاليري محتكر العطر ..اونهم اييبون كم من حبه ويتصلوبك اذا تبي تحجز كريد الحق لانه الكميه محدوده…معقوله وصل سعره 770 درهم لازم اقتصد في استخدامه بس ريحته وايد قوية اول ما ترش وما تنفع للاستخدام اليومي..

   قبل شوي مريت على باريس جاليري ,,, مجرد مرور والاطلاع على جديد العطور ,,, سالته عن كريد .. قال كل انواعه السعر ما ينزل عن 700 ,,, قلت له ليش وااايد رافعين سعره … قالي ما اعرف بس هذا سعره .. الابيض مالقيته ,, بس لقيت الاسود + الوردي ,,, وكل واحد اغلى من الثاني ,,

Comments are closed.