السلام عليكم ورحمة الله وبركـاته
يا جمااااااعه انا من فتره طويله وعلى فترات متقطعه
تيني أرقام من المغرب فتح خط 212+ .. يعطوني ميس كول
وهم بنااااااااااات
انا مستغرب من الحاله هاي جدا جدا جدا
يتصلون بي ع الفاتوره … ويتصلون بي ع المدفوعه … بس الارقام غير ..
وكل فتره رقم غير
مادري من وين يطلعون الارقام … وشو يستفيدون من هالشي
وآخر مره يوم كنت في السينما … اتصلوا من المغرب ميس كول
المهم اني ما أعرت الموضوع أي اهتمام … عقبها أذوني .. ميس كول ورت ميس كول .. وما سويت لهم سالفه
والبارحه الظهر ييت من الدوام ابا ارقد .. اطالع بعد ميس كول … جان اتصل .. وتطلع لي وحده .. اتقولي منو انته .. جان ارد اقولها منو انتي .. اتقولي حصلت رقمك في اللسته .. قلت لها اي لسته .. جان اتغير الموضوع .. اتقول اسمي فلانه .. انت شو اسمك .. وجاااااااان افتن عليها وابغم … فرووووووا لي راسي .. الله يغربل ابليسهم
حد يته هاي الحاله ؟؟؟؟؟؟؟
خلاص طرشوهم علي وانا راح ادبهم لكم ولا تفكرون . طرشولي اي جنسية وانا راح اتعامل معاهم بطريقة ساسوكي . بس اخاف السنغالي عنده عفريت اقوى من ساسوكي اللي عندي . الله يستر بس .
هههههههههههه وانا بعد ليش ما يتصلون بي … !!
الله ياخذهم ما يتصلون لي ليش ؟؟ ههههههههه
يا اخوان الزين والشين موجود في كل مكان في العالم . لذلك لا يجب ذكر اي جنسية مهما كانت خاصة من الدول العربية الشقيقة والاسلامية . وبعدين لا تنسون انه في ناس من خارج بلدنا مشتركين معانا في هذا المنتدى الغالي اللي سمعته طيبة والحمد لله .
لذلك لا تسيؤو الى اي جنسية عربية مهما كانت .
هاذيل يتصلون يبون فيزا عشان يدخلون الإمارات ….أنا ياني إتصال من وحدة تدعي إنها خياطة وتبي تشتغل وتبيني أسويلها فيزا وشوي شوي قالت تبي تتزوج….يوم السالفة جذه صكيت التيلفون ….