شو رايكم في قرار وزارة التربيه والتعليم؟

21 thoughts on “شو رايكم في قرار وزارة التربيه والتعليم؟”

1. شكرا لجميع الاخوة والاخوات بمشاركاتهم .واتمنى تفاعل البقيه مع الموضع

2. السلام عليكم ورحمة الله وبركاته

   هذا القرار أفشل قرار صدر من وزير تربية وتعليم ، د. حنيف حسن الذي كان مسؤولاً عن جامعة زايد للبنات والذي حاول تطبيق نفس القرار هذا منذ سنوات ولكن كانت المحصلة تجاهل الطالبات إياه والاشتكاء عليه ، وفي النهاية كانت كل طالبة تخلص حصصها تطلع من الجامعه ولا تنتظر نهاية الدوام ..

   – أين ترميم المدارس المنهكه .
   – أين صيانة المكيفات اللي صار لها 20 سنة تشتغل والحين تقاعدت والطلبة يالسين في الحر بدون مكيفات .
   – أين تطوير المناهج واختصارها ( خير الكلام ما قل ودل )
   – ارحموا الطالبات والمدرسات يا عالم ، كيف المدرسة وهي أم وزوجة توفق بين شغلها وبيتها وعيالها .

   قرار غير مسؤول أبداً .. متى نخرج من أبراجنا العاجية الشاهقة ونلتفت لمصالح الناس ..
   وبعدين هل الكلام هذا صحيح أنه يبا يمنع دخول عيال البدون المدارس .. لا حول ولا قوة إلا بالله
   وما الفائدة من هذا القرار فعلاً شيء يبعث على الاشمئزاز .. شحال لو ما كان اسمه حنيف !!

3. اختي شعشبونه مب كل قرار مدروس نجح في التطبيع على ارض الواقع وايد قرارات نزلت واكتشفوا انها غلط بعد ما اجيال دفعت الثمن ماعرف شو المصلحه في انهم يهدون حيل الطالب والمدرس واولياء الامور
   دارك انجل الله يهديك اي حب دراسه اي تقليل جريمه والله بتشوف نسبة اللي يتركون الدراسه كيف بتزيد واللي يتهربون من المدرسه والمستويات المتدنيه بسبة الملل والتعب والحر صيفنا ياخوي يذبح نار جهنم والاسر اللي تخاف على عيالها وتربيتهم بتسعى انها تستغل فترة الاجازه فشي يفيدهم مب شرط والله يكرفون ف المدرسه لين تطلع عيونهم اما اللي مب هامنهم مافي شي بيودهم لا مدرسه ولا سجن مركزي
   وبالنسبة للمناهج بدال ما يزيدون مدة الدراسه مثل ما قالوا الاخوان يخففونها ويودرون عنهم هالغث السمين ويحطون منهج علمي ثقافي مفيد ويشلون الدروس والمعلومات اللي لا تسمن ولا تغني من جوع
   ارحموا اولياء الامور اللي يدرسون عيالهم ف البيت واللي يصرفون عليهم دم قلوبهم على المدرسين الخصوصيين والله هم اكثر ناس بيتضررون من هالقرار هم يتحرون التعب كله عالطالب والمدرس ويقولون ها واجبهم ولازم يتحملون انزين اولياء الامور اللي عليهم مسؤوليات ومشاكل الدنيا ع راسهم ما فكرتوا فيهم
   قرار مب في محله وان شاالله ما يتطبق

4. بصراحه حرام والله حرام
   بدال ما يزيدون مدة الدراسه يخففون من هالمناهج
   مناهجنا كلها حشو فحشو والحصيله الثقافيه في النهاية صفر
   جذه والطلبه على نهاية السنه يكونون كارهين حياتهم وبالدز يداومون
   هالقرار ما اشوف فيه اي مصلحة او فايده وياليت يصرفون النظر عنه ويكون اي تغيير بدافع التطوير ورفع المحصله الثقافيه والعلميه مب التغيير لمجرد التغيير واثبات الوجود واللي يدفع الثمن الطلاب والمدرسين واولياء الامور

   انا معاج اختي
   هذي المناهج لا تغير بالكامل
   ويجب وضع المفيد في حياتنا العلميه والعمليه فقط.
   يتم تكديس هالمناهج في كتاب الطالب وما يكون عنده فرصه للحفظ إلا وأنتقل للموضوع الاخر
   من جذيه الرسوب في ازدياد والمدرس الخصوصي كاسر ظهر الطالب قبل أهلـه

5. انا مع القرار 100% بس ارجو انهم يزيدنة اكثر شوي
   من كثر هل اجازات المدارس مب قادرة اتخلص المناهج في السنة الدراسية

   وليش ما يخففون من المناهج؟!

Comments are closed.