شو رايكم في قرار وزارة التربيه والتعليم في اطالة العام الدراسي وما مدى تاثيره على المدريسن والاطفال والطلاب والطالبات وانتوا عارفين في اي جو عايشين احنا.
وعن مكيفات المدارس كلها خربانه والباصات ما فيها مكيفات.
الخبر بتفاصيله في الرابط.
http://www.albayan.ae/servlet/Satellite?c=Article&cid=1144857962009&pagename=Albayan%2FArticle%2FFullDetail
انا مع القرار 100% بس ارجو انهم يزيدنة اكثر شوي
من كثر هل اجازات المدارس مب قادرة اتخلص المناهج في السنة الدراسية
دارك انجل انت مع هالقرار لانك ما تحس بمعاناة المدرسين والمدراسات وهم طول اليوم في المدرسه. وخاصة المدرسه اولا المعاناه مع الطالبات ومشاكلهن وثانيا واجبات البيت واي واحد منا كريال اي تقصير من الحرمه في البيت ما يرضى ولو انه عارف ان الحرمه طول اليوم تكرف في المدرسه ولا في اي شغله . ولا انفكر كيف هي قضت يومها من التعب.
وترجع المدرسه تحضر المواد للتدريس لليوم الثاني.
الواحد فينا ما يقدر ساعه وحده يلقي محاضره فمابالك محاضرات لمدة 9 اشهر ونطالبهم بالمزيد مب حرام هالشيء.
وعن الطلاب والطالبات خلك مكانهم وجرب تيلس في الفصل شهر اغسطس ما اعتقد بتستحمل . انت ما شفت اصلا هالايام كيف مكيفات المدارس وازيدك من الشعر بيت بعض الفصول ما فيها مكيفات بالايام،وعن الباصات ما يحتاي اتكلم ، فاذا انت تقدر توفر هالاشياء بعدين اعتقد تقدر تتكلم عن الاشياء السلبيه للعطله.
وعن الحراميه واللصوص اله تقول عنهم فهي حالات نادره واصلا ما اتصير اله بسبب ترك البيوت فاضيه والسفر مثل ما ذكر اخونا الكريم و99% تحصل من قبل الاجانب ولاتنسى ان البرشاء اله تكلمت عنها والسرقات هي بمحاذاة المنطقه الصناعيه وكلها عمال اجانب من الجنسيات الاسيويه.
اذا انت مثل ما تقول سرقات البرشاء تحصل بسبب عطلة المدارس فمعناة كلامك انك تتهم ابناءنا باستغلال اي فرصة اجازه للسرقه ،فاي تربيه هذه اله اتخلي المدرسه بس تمنعهم عن السرقات وكأنهم ما شايفين خير!!
واي طالب يملك عقليه اجراميه بيسوي جريمه اي لحظه سواء في المدرسه ولا برع المدرسه، وما اعتقد انك ما قريت في الجرايد عن البلاوي الاخيره اله صارت بالمدارس،وعن الاعتداءات على المدرسين وعن المشاكل الاخلاقيه ،وغيرها.وهل الجرايم اله صارت في هالمدارس بعد بسبب طول العطله؟!
واخيرا اتمنى انك اتراجع نفسك وخلك مكان المدرس والمدرسه والطالب وبعدين احكم.
والسموحه.
مب مشكلة ..يمكن يتغير نظام الدوام للمدرسين والمدرسات في المستقبل
ولكن بتشوف عقلية من الشباب غير عن اللي نحن مرينا عليه .. يعني انت لاحظ شبابنا بس من يخلصو الثاتوية يبون يشتغلون.. يعني ما في عندهم حب اكمال الدراسة .. شو السبب ..؟؟
لانهم تعودا على الاجازات والاجازات …..حياتنا كلها اجازات في اجازات ..
التغيير من اهم صفات اللي خلت الانسان يتكيف ويعيش ويسود هذا الارض
صدقني مع الاسهم كل تغيير بتشوف فيه ردة فعل عكسية .. وهذا طبيعي ..
وبعدين سالفة الاجرام في المدرسة .. كانت شائعة لان ما كان في قرار يردعهم ..ولكن الحين كما صرح وزير التربية والتعليم د.حنيف حسن ” لا يوجد مكان في المدرسة للطلب المشاغب”
امربكا اللي هي امريكا شوف نسبة الاجرام في المدارس عندهم .. ولكننا الحمدلله افضل
عالعموم ما بطول .. بس احب اشكرك على طرح مساحة للنقاش
مافي شخص معصوم من الخطأ اختي good_woman
ومالي اي شغل فالوزارة … من ناحيتي متفائلة وااااااااااايد بالوزير الجديد ..
انتي متفائله فيه؟!
كان اول اقتراح للوزير منع ابناء البدون من الدخول الى المدارس الحكوميه والخاصه بس الحمدالله اول ناس احتجت وهي شرطة دبي لانه هذا القرار هو السبب الرئيسي اله ممكن يسبب زيادة نسبة الجريمه بشكل كبير جدا . وما اعتقد بتكونين متفائله يا شعشبونه في هالشيء.
وشكرا
شكلج تشتغلين في الوزاره يا شعشبونه؟!
المعصوم هو الذي لا يخطأ
مافي شخص معصوم من الخطأ اختي good_woman
ومالي اي شغل فالوزارة … من ناحيتي متفائلة وااااااااااايد بالوزير الجديد ..
القرار ما اعتمدوه الا من عقب دراسة …
وانا عن نفسي واثقة بالإدارة اليديده لوزارة التربية والتعليم …
بارك الله فيهم ووفقهم لما فيه الخير للبلاد …
شكلج تشتغلين في الوزاره يا شعشبونه؟!
المعصوم هو الذي لا يخطأ