بسم الله الرحمن الرحيم
اسلام عليكم ورحمة الله وبركاته
اخواني ممكن رايك باللي يصير عندنا فالعين
قناص
رادارات متحركة
متابعة المرور مب مخليه حد في حاله
ابغي رايكم وعقب بقولكم ليش انا ادرجت هالموضوع
ملاحظة: ارجوا ان الرد يكون مدروس ومن غير اي غلط
يا خوان الخير الحمدالله رب العالمين عطانا نعمه كل انسان في هالدنيا يتمناها
ولكن البعض تبطر على النعمه وحولها الى مساوئ وضر للعالمين
وحولوا السيارات اللي المفروض الانسان يتأنى ويحافظ عليها الى قبور متحركة
يمكن تبتلع اي انسان في اي لحظه والسبب عدم احترام القوانين المروريه وعدم احترام مستخدمين الطريق
واللامبالاة بالسلامه العامه مع انه شوارعنا من افضل شوارع العالم ان كان في الجودة او التنظيم والمساحات
ومن الناحية التوعيه والارشادات المروريه جميع ادارات المرور على مستوى الدوله مش مقصره
ولكن لا حياة لمن تنادي
الحوادث اللي تصير على شوارعنا لازم يكون فيها مواطن وفي معظم الاحيان يكون متسبب والسبب دايما تكون السرعه الزايده
والنتيجه مثل ما انتوا عارفين
ما فيه بيت من بيوتنا الا فيه واحد متوفي بسبب حادث او مشلول او عاهه مستديمه واذا مش من داخل البيت
بنحصل حد من معارفنا
ليشششش لهاي الدرجه نحن اغبياء ولا نعتبر من اللي يصير وهل عيالنا وخوانا الصغار رخاص هالكثر عشان نعطيهم سيارات
يموتون فيها
ومادام صارت الحوادث ظاهرة والدراسه تقول ان الدوله تتصدر دول العالم في وفيات الحوادث
ليش ما تتخذ وزارة الداخلية قرار برفع سن الحصول على الرخصه من 18 الى 25 على الاقل الشخص اللي بيحصل الرخصه
في هالسن حاس بالمسؤوليه وعقله كامل
واللي يسوق بدون رخصه يسجنونه اقل شي خمس سنوات ويحسبونها له قضية الشروع بالقتل
ترا صدقوني وايد عندنا القوانين متساهله في هالامور
هذا وسلامتكم