السلام عليكم ورحمة الله وبركاته
شحالكم يالربع كلن بحاله
ابا شوركم فسيارة
نيسان ألتيما 4 سلندر رقم 1
الصراحه شفتها وعيبتني مواصفاتها
ومحتار بينها وبين الكامري
انا شفت ان الكامري مافيها مواصفات نفس الألتيما
حسيت انه الكامري من داخل .. مركبة فضائيه.. فيها ليتات زرق مادري كيف
بس طبعا لها قيمتها الكامري
انتو شو رايكم ؟؟؟
كيف صرفيتها وسواقتها وثباتها
وبارك الله فيكم وجزاكم الخير والاكرام
مبروك مقدما الله يعطيك خيره ويبعد عنك شره
بارك الله فيكم اخواني
انا اكثر الناس اللي شفتهم
نصحوني بالالتيما
بس اليوم سرت الوكاله قالو لي يبالك تتريا تقريبا شهر
بس حجزت لي ألتيما رقم واحد
وما فيها جلد.. ها اللي ضيق بي شويه
يعني كسواقه سقت ال2009 وحلوه ومريحه
بس ما جربت ال2010
من داخل ما تغير شي اظن
بس اللهم من برع
وفيها نظام البريك اي بي اس
وشي نظام بعد قالو لي فالوكاله
اذا كنت محمل وزن فالسياره ودحيت بريك
يعطيك البريك قوه 50 % زياده ويحافظ على وزن السياره وما تميل على جدام
نفس الكامري اول ما تدح بريك تحصل الموتر اشتل من ورا
المتسو بيشي ما عيبني وما اقتنعت فيه مع انه قوي
بس قطع غياره موت
هو والهوندا
وان شاء الله انا قررت اني آخذ الالتيما
وبارك الله فيكم
اخوي انصحك نصيحة سير الحبتور وشوف المتسوبيشي جالنت
والله احسن من الالتيما والاكورد والكامري بمليون الف مرة
كسعر وتكييف ويلس وقوة ومشي وثبات وحتى عزلها ماشاء الله واييييد حلو وتجييكاتها ارخص من تيوتا صدقني الموتر سعره فيه والكواليتي فيه
وعندك السوبارو ليجاسي بعد نفس الجالنت من احسن المواتر
وسعر الجالنت 2.4 فول ابشن 76 تقريبا وال3.8 فول ابشن كاميرا خلفية 86 الف اسعار 2010
وسعر السوبارو ليجاسي 2.5 شكل 2009 سعره 76 الف