السلام عليكم شباب
إذا ممكن حد يفيدنا عن الفرق بين مكينة ال FJ و مكينة ال GXR v6
يقولون و منتشر بين الشباب إنهن نفس الشي, بس أنا سمعت إنهن يختلفن..ما أدري شو صحت الكلام

موقع التويوتا الرسمي مب حاطين فيه عن ال gxr اللهم حاطين عن VXR 5.7

مواصفات مكينة ال FJ

4.00Liter DOHC 24-valve SFI VVT-i v6 239 hp
52000rpm , 278 ib-ft @ 37000rpm @

أتمنى حد يقدر يحط لنا مواصفات ال GXR v6 هذا طبعاً إذا كان شي فرق بين المكينتين

مع التحيه

23 thoughts on “شو الفرق بين مكينة FJ و مكينة GXR v6”

  1. انا متأكد انه الاستيشن الجير اوتوماتيك 6 غيار وهذا الرابط دليل على كلامي

    التقرير الشافي والكافي عن مفخرة الأرض – تويوتا العربية

    روح المعارض اكيد بتحصل استيشن مستعمله للبيع 2008-2009

    وجرب القير بتلقااه 5 غيار بس وان ماتكلم عن فراغ ان اتكلم عن واقع تجربه

  3. شيخي هاي مكينة ال 6 سلندر مال الاستيشن 4.5 من 98 لين 2007 اما اليديد نفس مكينة البرادو او الفور تونر او الاف جي يعني كلهن 4.0 على شكل حرف ال v علشان جذيه مافيه صرفيه ومشيها قوي جدا ……فيه فرق في الهورس بور يعتمد على وايد شياء اول شيء حجم السياره ثاني شيء العزم واشياء اخري وفي الاخير ….المكاين الي في التيوتا ال 4.0 كلهم نفس الشيء برغي برغي مافيه اي فرق …مثل النيسان الزد الانفنتي الفورويل والصالون والالتيما كلهم نفس المكاين 3.5 اسف على الاطاله …واذا مب مقتنع يا اتكلم المصنع في اليابان او تتصل اي وكاله الفطيم وهم بيبيجونك اكثر يمكن مانعرف احنا ,,,واذا ماتعرف تتكلم ياباني خبرني بشوفلك صرفه …واسف على الاطاله مره اخري

    تسلم شيخي…..لا انشالله مقتنع مافي داعي نتصل اليابان و شكراً على مرورك

  5. الفورتشنر بعد نفس مكينه الاستيشن والبرادو والاف جي

    كلهم 4.0

    والاستيشن فيه عدد احصنه اكثر من باقي السيارات وجيره 6 غيار يساعده على الوصول للسرعه القصوى في فتره زمنيه اسرع
    والشي الثاني اذا بتسوق في سرعات عاليه 180الاستيشن يكون مريح بعكس الاف جي بيكون حاكر لدرجة انك ماتقدر تثبت الاف جي على سرعة 180 او 170 ولكن في الاستيشن السواقه سلسه على 180

    عموما في الاستيشن او البرادو او الاف جي و الفورتشنر هاي المكينه 4.0 مكينه نقدر نعتبرها ذكيه وتنحكم تلقائيا في القوه وفي صرفية الوقود وحجمها صغير ومفعولها قوي جدا جدا

    تسلم الشيخ عالمعلومات الطيبة….بس ما تدري كم عدد الاحصنه عشان نقارن بين السيارتين ؟

Comments are closed.