مرحبا طبعا بين كمن يوم اطلعلكم بسالفة يديدة
بس شوو اسوي احب استشيركم واّخذ رايكم
وطبعا اللي عنده تجربة بيكون افضل
بو العيال طول الله بعماركم عنده مهمة لمدة اسبوع لفرنسا وحاب اني اسير وياة
بس بشرط اللي هو بدون العيال والسبب انه المدة قصيرة وما يحتاي نتلعوز وياهم وطبعا عمارهم فديتهم 7و6و1 
انزين طبعا مع تعلقي الشديد بعيالي ما اروم افارقهم 
وبصراحه خاطري اسافر بس انا قلبي رهيف اخاف انكد عليه عيشته بسبب شوقي لعيالي 
هممممممم محتارة اسير واقوي قلبي والا اخليه يسير روحه 
وحد جرب السفر ويا عيالة ؟ والا بدونهم فيدوني تراني محتارة وايد بس والله ما اروم اصبر عنهم انا اسير الدوام وارد احس انه ما استحمل لين ما اوصل للبيت في نهاية الدوام
شورو علي مع تجاربكم الحلوة 
توكلي على الله وسيري وخذي الصغير بس
انا قلت انتو الراييل قلبكم على بعض
مشكوووور اخويه
سافري ويا بوالعيال
نتمنالج رحلة سعيدة
دربج خضر …
ماشاء الله عليج شهرين ماشاء الله لا انا ها المدة ما اقدر
يعني رايج اتقولين اتوكل ^_^ بشوف بجرب اسير ها الويكند عندهم في فندق وبجرب اذا قويت قلبي وقدرت بتوكل
ومشكوره اختي الغالية على النصيحه
عن تجربة من كم اسبوع رادة من فرنسا وقاعدة فيها اكثر عن شهرين بروحنا انا وابو العيال
في هالوقت ما تنفع لليهال خاصة باريس برد وجو متقلب وما فيها شي يخليهم يستانسون غير يورو ديزني
انصحج انج تتوكلين على الله ولا تحاتينهم بتنشغلين بالسوق والقعدة على القهاوي مع ريلج
وانا ما اكذب عليج كنت وايد مشتاقتلهم بس كانت الظروف اكبر من اني ارجع
المهم لو بغيتي اي مساعدة انا حاضرة تراني افتريتها من الخاطر