شماغات البسام أصلية و حصريا

72 thoughts on “شماغات البسام أصلية و حصريا”

1. بالتوفيق ان شاء الله

   يزاك الله خير و ربي يوفقك ان شاءالله و شكرا على المرور الكريم

2. للعلم عندي بصمه 12 و اتصلوا في الخنجي او غيره واسألوه عن البصمه 12 و اكيد بيقولك باجر بيوصلن (من شهر يقول هاكلام)

3. السلام عليكم يا سونيك
   خويه بما انه عندك خبره في شماغات ممكن تخبرني شوالفرقبين شماغ البسام بصمه10 وبصمه6 ومادري كم بعد
   وشو الفرق بين شماغ الانجليزي والسعودي

   وهل فيه فرق بين الختم الاسود والختم الابيض والملكي شو الفرق بينه وبين الغتر الباقيه
   وتسلم الغالي والله يوفقك في تجارتك

   وعليكم السلام ورحمة الله وبركاته

   البصمه 10 قديمة نزولها نهاية سنة 2007 و انباعت وخلصت في شهر 6 سنة 2008 لكن بعض التجار عندهم و انا ما انصح

   انت تقصد 6 بلاس اليديد و هذا غير متوفر في البلاد و غالي نوع ما و انا عندي تقريبا 20 حبة و بعت 10 حبات لحد الان و الحمدلله و انا انصح بشرائه لانه خفيف جدا و التطريز حلو ممكن اصور لك لو تريد صور اكثر..

   الختم الاسود هو الاجدم و الختم الابيض الموديل الاجدد لكن كلهن مصنوعات في الثمانينات و اتحدى خنجي او غيره يوفرونهن.

   يا اخوان مب شرط تقارنون اسعاري بالخنجي, قارنوا باي محل داخل الدولة و صدقوني محد عنده غير الشماغ الابيض السعودي و يمكن الادهم فقط و الباقي غير متوفر.

   في السوق يوجد شماغات تقليد بالهبل مثل بروجية و رنيه و العطار و كلهن صناعة صينية وكما توجد البسام تقليد صناعة صينيه لكن ما مشى سوقهن لان شركة البسام اذكيا كل موديل ما يطولون عليه فقط كم من شهر ما عدا الماي فير و البلاس.

   مثلا انا عندي البسام الابيض شلش و اتحدى لو هو متوفر حتى في مصنع البسام في السعودي لان بكل بساطه طلبية خاصة لاحد الشيوخ.

   الانجليزي مصنوع في انجلترا و يستخدم القطن و القماش الانجليزي و السعر مرتع لان في فرق في القماش و طريقة الخياطه و المملمس مختلف.

   للشماغ الابيض انا انصح بالسعودي

   للشماغ الاحمر انا انصح بالانجليزي

   آسف على الاطالة

   ربي يوفقكم

4. السلام عليكم ورحمة الله وبركاته

   اخوي انا اريد الشماغ موديل 1980
   وايد الشماغ ماي فير لسنة 2009 انجليزي صناعة بريطانيا

   للتواصل 0502666225

   وبالتوفيق اخوي

5. الاخوان مايعجبهم العجب ولا الصوم برجب
   كود ان الغلط منك ياخوي ليش انك قلت اسالوا وشوفوا الاسعار بالسوق
   المفروض تقول شمغ للبيع وتحط سعرك على صورة كل نوعيه
   عموما اخونا قارن اسعاره بأسعار خنجي مو بأسعار السوق لان السوق فيه التقليد وفيه التاجر الشاطر اللي يقدر يوفر بضاعه باسعار عجيبه فمستحيل يتقارن سعر العرض هني بأسعار السوق
   لكن مقارنة بأسعار محل خنجي فسعر اخوكم أقل منه والدليل خنجي مفتوح من بعد العشا كل واحد يقدر يتاكد بنفسه
   والله يرزقنا ويرزقه من حلاله ويغنيننا عن حرامه

   لو ماشريت اغراضي وقضيت منها كان باخذ من عندك
   وسلملي على بصمة 11

Comments are closed.