شــــــــــــــــــــــرفة … على رفة جنــــــــــاح..؛

200 thoughts on “شــــــــــــــــــــــرفة … على رفة جنــــــــــاح..؛”

1. يا صاحبي بنشدكْ و الدّمع همّالْ
   اللي كسيــرِ القَلب يا كيـفْ جَبـرَھ
   خَلَّ الدّهر قَلبي للأوجَاعْ مدهَـالْ
   و ضيّق على طيـرْ المَعاليــقْ وكـرَھ
   ياطير كَان الدّمع في خافقكْ سَـالْ
   شُوف القَلم سيَّل مِن الضّيقْ حبـرَھ
   نَكتبْ قصَايِـد عَلّھــا تَطّــربْ البَـالْ
   وإثــر القصَـايِــد للمواجـيــع نَبْـرَھ
   مَد الزّمَن مِن صَالي الضّيقِ فنجَالْ
   ومَـا عَاد بـَ الموضُوع يَ هيـھ دبـرَھ
   إمّاتقهـوَى مِن عنَا الوَقتِ وأحتَـال
   والّا نصـومْ و نتـركْ الوَقتْ يشـرَھ

2. لآضاق صدرك عالي الصوت جره
   لو كان قلبك ما يطاوعك مسرور

   دنياك لو تسوى من الحِزن ذرّه
   ما كان تاليها توابيت وقبور

   وما كان للكافر بعمره مسره
   وما شفت في ملكه ملايين وقصور

   العمر يمضي بين حلوه ومره
   والموت حق وقابض الروح مأمور

   دام الحياه الفانية مستقره
   ورزقك يجيك وبين الأجواد مستور

   لاتنشغل بالوقت برده وحره
   واحذر تصير بقسمة الناس مقهور

   حكم القدر لاجاك خيره وشره
   أشكر عظيم الشان والذنب مغفور

   والمجلس اللي يزعجك لا تمره
   خله تراك بشوفته منت مجبور

   والرجل سقها في صحاصيح بره
   ومد النظر مابين ريضان وزهور

   لا صار وجه القاع ما فيه جره
   والمشي حافي والثرى توممطور

   ساعات صمتٍ ما وراها مضره
   تسوى الكلام اللي به إذنوب وإشرور

   أطلق خيالك وأترك النفس حره
   وخل الطبيعه في حياتك لها دور

   وبالليل لا بانت نجوم المجّره
   أذكر بديع الخلق بـِ إحـساس وشعور

   واسجد لرب الكُون مره ومره
   وإحفظ لسانك وأترك الكذب والزور

   وفروض ربك خلها مستمره
   وطاعتك والديك لا يدخل بها نقص وقصور

3. لقيت الدار من بعد الحبايب خليـه باكيـه وبهـا عجايـب
   وقفت ابها وانا حيران ساعة ودمع العين من موقي صبايب
   الا يادار بالله خبرني بسالك عن رجـوع محـب غايـب
   تقول الدار بعدك غادرونـي وخلونـي لعيـات الهبايـب
   وسافر من تود وحال دونه بحر وبرور واخطار ومصايب
   رجعت ابحسرتي واهموم صدري وتقلاني من العبره لهايب
   الله يالله لاتقطع رجا الذي يسالك عن رجوع محب غايـب
   عسى المحبوب يرجع بالسلامه بحفظ منك ما تصيبه نوايب
   محب مالك عقلي وروحي وفي حبه رخيص العمر ذايـب
   يحلي بلولو البحرين صدره وحنا العين حطه في الروايـب

4. نزعل ونتكبر وحنا من الطين •• والكل منا صد لا اقبل خوية

   نفخر نقول حنا على الصد قاوين •• وهي علينا بالحقيقة قوية

   نشفق على الخوة ومزح الكريمين •• وهذه بنا لاشك فعلة ردية

   ننسى نهايتنا على فين ماشين •• ننسى الزمان الي جمعنا سوية

   والمشكلة ماهي بحاجة للتخمين •• ولاهي بعد ياناس صعبة القضية

   دق الرقم كيفك هلا فيك واهلين •• انا الخوي الي مزعل خوية

   قلة تغيب وصورتك داخل العين •• ويبقى لحبك في خفووقي بقية

   اخوان حنا لو تفارقنا على شين •• مانفترق مادام المحبة ندية

   خلّك قوي لا تحتكرك الشياطين •• قبل الفوات وقبل وقت المنية

   كلم خويك باطيب الهرج واللين •• واعرف جميل الهرج يمسح ردية

   هذه هي الدنيا من الحين للحين •• لابد بين الناس تحصل خطية

   باكر تمر سنين وسنين وسنين •• والكل يرحل بالدروب المدية

   صدقني تندم واذكر حروفنا زين •• تندم على خلّك اذا غاب ضي

5. ‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​بآ عگ آللّيۓ بعت عمرٍگ ،،، عشآنہ`
   لآتنصـدّم مـُـنّْہ ترٍۓ آلنّآس آجنآس
   شخصن تحبـّہ مآيصوٍن آلآمآنہ
   وٌٍشّخصن يبآدّلگ آلمشآعرٍ وٍآلآحسآس
   حط للذي شآرٍيگ قدّرٍ وٍمكآنہ`
   حطّہ بگفّہ لحآلہ لآتحطّہ مـعّ آلنـّآس
   وٍآللّيۓ بدّمّہ سآرٍ دّم آلخيـآنہ
   دّوٍسہ ترٍۓ قدّرٍه علۓ آلآرٍض يندّآآس
   خلّك گذآ وٍيـّآه ”حقـدّ وٍ لعآنـہ“
   وٍمآغيرٌٍ رٍبّگ بسّ هوٌٍ يقطع آلرٍّآآس
   منْ هوٌٍ ‘يحبـّگ’ بسّ آطلبّ حنآنہ`
   وٍمہمآ `تفآرٍق`بسّ لآ تشعرٍ بيآس
   وٍمنْ يشترٍيگ آليوٌٍمّ صوٍنہ صيآنہ`
   ‏​وٍآللّيۓ يبعيگ في ثرٍۓ آلقآع يندّآس

Comments are closed.