هممممم صراحة أحس بشعوووور عجيب ولااازم أعبر عن شعووري هني
….وأخييييييرااااااااااااااا بعد سنة ونص بخلص الماجستير
….صراحة ماتهنيت عقب البكالوريوس لني داومت عقب التخرج بشهرين الحمدلله وكملت الدراسة على طوووول….
المشكلة على أخر سمستر الواحد ما يبا يدرس بس يبا يخلص فتخيلوو معاناتي وأنا أدرس وأعرف انه آخر امتحان لووول 
والله من يومين موول مارووم أرقد وشكلي الليلة بعاني من نفس المشكلة….ادعوووووولي 
وماعرررف ليشش دوووم على حظي لااازم أخيس امتحان يكون آخرررر شي!!!!
وان شاء الله بعد ما تنزل الدرجات كلكم بتستلمون حلاوة التخرج وهي e-chocolate لووول
أنا عندي سؤالين……
-أفكر اني أكمل الدكتوراه برع البلاد(بس طبعا أكيد مب الحين لوول لني أبا أحس بشعور أي شخص طبيعي يداوم حق فترة…أبا أرجع البيت على طول عقب الدوام وما أفكر فالجامعة والبروجكتات والامتحانات)….شوو أحسن الجامعات وشوو ممكن أدرس؟؟
السؤال الثاني….
أنا وربعي والاهل ناقشنا موضوع حصول البنت عالدكتوراه…ربيعتي اللي تكمل وياي عندها نظرة وشخص من الاهل قال نفس الكلام…انه اذا البنت تاخذ الدكتوراه وهي مب معرسة مب أي حد بيتقدملها أو بما معناه محد يباها…يقولون لنها بتكون دكتورة ومستواها التعليمي بيكون وايد أعلى من اللي بياخذها اذا كانت هاي هي الحالة…وأنا هالكلام مايدش رااسي موول…وأتوقع انه المفروض تفكيرنا مب جي الحين…بغيت آراءكم فاالموضوع
وان شاء الله باجر ببشركم عقب ما أخلص من احتفالاتي وأرد البيت 
Ex-eLeGaNZa
اوكي يا اخوي انا اعترف اني كسولة ومالي رغبة باكمال الدراسة
وادري انك مصري و يمكن ما عجبك ردي
او المفروض اني ما اذكر الجنسية
بس انا فعلا تعاملها ما عيبني تبغي تصعب علي الامر!!!
و لكن انا لي وجهة نظر من زمان اقولها و اتمنى انكم تحترمونها
معاملة الهنود عندي افضل من الكثير من الجنسيات العربية في الدولة و هذا من الواقع اللي اشوفه
وما في شي يتعمم
واتمنى محد يزعل من كلامي
اختي السموحه منك
بس ما تعلقين خطأك او كسلك على شماعة العرب والهنود ونظرية الجنسيات المتأخرة من 40 سنة هاي
ادخلي على موقعهم على النت وشوفي الاوراق المطلوبة واحضريها معك
واتحداك اذا وقف رئيس الجامعة نفسه امام طلبك واخره
انا لست متحيزا لمصري او سوري او عربي
ولكن الواحد يلاحظ اننا نعلق كسلنا وعدم جلوسنا للقراءة على شماعات مالها داع
ندعي لاختنا بالنجاح
ونشجعك على استكمال تعليمك لنهئنك مثلها وعقبالك ان شاء الله
ما تتخيلين اشكثر ندمانة لاني ما كملت
الحين لو بادية من شهر 9 جان الحين متخرجة الحين في شهر 7
بخبرج قصتي
رحت شهر 9 /2007 الجامعة الاسترالية اقدم عالماستر بس كنت متاخرة و تعبانة و خلاص الكلاسات بتبدا و تقولي الحلوة انتي متاخرة و كانت ورقة وحدة مال ال transcript ناقصة و هالمصرية اخرتني و تقول ما يستوي ومادري شو
بس طرشي الورقة الناقصة 
و الهندي سليم يقولها يا ماما يستوي
و تركز لي على الايلس و تقول في ال reading مب 6 و سليم يقول عادي
وعقبها ما تفيجت اروح لهم مرة ثانية
جنه الله مب كاتب لان الغلط من الكلية نسوا يعطوني الورقة الثانية
المرة الياية بروح عند سليم على طول اذا فكرت اقدم
الصراحة الهنود وايد احسن عندي من الكثير من الجنسيات العربية
واخونا القلم الحر منزل موضوع عن هالهنود
المنتدى كله وياكي ويشجعك مثل ما يشجع منتخب الامارات
وكلنا بنغني لك منصور منصور يا ——-
بس بنغيرها شوي — بنقول — منصورة منصورة يا ——
الله يكمل لك على خير
اما بالنسبة للجامعات — فحسب طبيعة تخصصك وشو تين تدرسين
بعد حصولك على الشهادة سأخبرك بالاوراق المطلوبة للتقديم للجامعات بره
جامعات في بريطانيا او استراليا
واذا كنتي لا تريدين السفر للخارج فيوجد في دبي وابوظبي العديد من الجامعات المتميزه
فيه جامعة نيويورك هتفتح في ابوظبي في جزيرة الريم
دي من اعرق الجامعات في الدراسات العليا على مستوى العالم
لوول أي مغرب p: قصدي العصر