السلام عليكم و الرحمه …
اخواني التجار …
انتوا اتعرضون بضاعتكم فالمنتدى و اتعبون عماركم فالعرض و الرد و الاتفاق و كل شي بس صدقوني يوم ني حق التوصيل …
و الله انهم ايذلونا ذلللل جنهم بيوصلولنا ايهن ببلاش …
يعني لا مواعيد لا التزام و لا حتى احترام للزبون ..
انا بقولكم سالفه استوتلي … سالفه إلا سوالف ..
المهم ::
الاخت غلا العمر و الاخت ام خليفه اتفقت و ياهن في تقريبا 25 رمضان على بضاعه و الاخوات بالصدفه اختارن شركه ( هوت لاين )
المهم بضاعه الاخت غلا العمر استلمتها السبت اللي طاف بعد مذله من انا ما اروم اييك انت تعال و جيه …
يعني المندوب مال الشركه قالي ويين قلت له تعالي العين .. المهم بعد 3 ايام و انا اترياه قالي انا ما اروم اييك فالمنطقه اللي قلت لي اياها معنها تبعد 6 كيلو عن السوق المهم ييته و نقعني بعد نص ساعه و يوم خذت الطلبيه لقيت الاخت غلا العمر مب مقصر كاتبه ملاحظه :: الرجاء التسليم قبل العيد
لكن لا حياه لمن تنادي …
و سالفه الاخت ام خليفه … اتفقت وياها قبل العيد بأسبوع على كميه عود .. قلت بندخنبه فالعيد …
و و الله لين يومكم ما وصلني شي ….
الشركه تتصلبي و اتحدد موعد و جييه و نتفق و افضي عمري و المندوب ما ايي ..
اقولكم 4 مرات انحدد موعد و و الله ما ايي .. هييه و مره سوالي مس كول الساعه 12 فلييل !!!!!!!!
و طبعا اخوكم دوامه الساعه 6 يعني لازم انش 5 منو بيتمله واعي الساعه 12 فلييل ؟؟!!
المهم يوم بالباجر دقييت له رد و قلت له جي جي جي .. قالي : و الله انا سويت لك تليفون و انت مار رديت و قلت له انت داقلي الساعه 12 قالي خلاص راحت عليك
ليش الحبييب اييبلي الطلبيه ببلاش ..
يعني جيه يا اخواني انتوا ما اتقصرون لكن الشركات هييه اللي اتشوه سمعتكم
المهم ما بطول عليكم انا بحطلكم لسته بأسامي الشركات اللي اشوفهن تكرموون زباله ::
1- شركه هوت لاين
2- شركه إيليت
3- ارامكس ( من حيث السعر ) التوصيله ب 70 و 100 ( على شو مادري ) جنه يايلي اياها فطياره و انا ما اعرف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
و على الجانب الثاني في شركات و النعم مادري شو اساميهن بس تقدرون تسألون الخوات :: سحاب الامارات ،،،،،،،،، ام بدر
لأن الشركات اللي طرشو البضاعه فيهن ::
1- إلتزام فالموعد
2- إحترام للزبون
3- المندوبين هنوود مب عرب يعني المصري يوم اييك ايقولك التوصيل 30 درهم بس انا بديتك انت اول واحد و يااي من منطقه بعيده عشانك و و و و عاوزك تشجعني …. شوفو النغزه انتو
و السموحه:
واتريا ردت فعلكم
بارك الله فيكم الصراحة استفدنا
والله صدقت ياخوي انا طالبه بضاعه من تاجره وحليلها هي ماقصرت بس الشركه الله يخسهم مايتصلون يطرشون مسج عشان الواحد هو اللي يتصل ويوم اتصل يرن الين ماتطلع روحه بس محد يرد وعلي هالحال من اسبوع هم يطرشون وانا اتصل تقول توم وجيري منوه يلحق الثاني
تسلم ع الموضوع صدق مهم
بالنسبه لي امبوست وهوت لاين احسن شركات التعاملت وياهم ..في مرات شركة هوت لاين تتأخر على الزباين بس يمكن وايد ضغط عليهم لكن بالصراحه هم ما ايقصرون ودوم يتواصلون وياي اذا نقص او صارت اي مشكله ..وامبوست بعد كانو رووووووعه في التوصيل اطرش اليوم باجر توصلهم لاكن الله ايهديهم وقفو خدمة سلم واستلم والحين الناس تتهايز اتسير اتنزل الفلوس في البنك او ايحولونهم على الصرافه..
لكن
لكن
ايلايت و بروفيشنال
ذبحوووووووووووني والله ما صدقت اشرد عنهم والسبب:
الاغراض الي اطرشها اينبشونها ويفتحون الاكياس والفلوس ما يبونها الين تطلع عيونك وعقب 3 او 4 ايام ردو الطلبيه ايقولون الزبون ما ايرد علينا وهم اصلا ما اتصلو له لكن لو اتشوفون الاغراض الي ايردونها لازم سيده اعقها في الزباله لان العين ما تتبرج فيها …
انا اتعامل مع ارامكس واحسن خدمه اشوفها
وتشترك معاهم اب 25 درهم فقط التوصيل سلم واستلم
أنا بتكلم على المستوى الخارجي
أرسلت مرة شحنة عود لدولة خليجية مع شركة Dhl على أساس أن الخدمة عندهم سريعة (اكسبرس!) ومميزة وتوصل ثاني يوم (مباشرة)
قيمة البضاعة كانت حوالي 30000درهم بدون مصاريف الشحن و(التأمين!).
والاتفاق انها توصل ثاني يوم!!
متى وصلت؟؟
ما وصلت أصلاً!! ولا رجعت!!
وين؟؟ الله أعلم!!
المشكلة أنهم ما طاعو يعترفون ان البضاعة مفقودة إلا بعد متابعة واتصالات كثيرة مع مكاتب الشركة هني وفي الدولة الخليجية الأخرى ومكالمات لمدة شهر ونص تقريباً
وخلال هذي الفترة كان الصراحة حرق أعصاب : البضاعة وصلت لكن استلمها شخص آخر ،، البضاعة راحت بالغلط مدينة ثانية ،، البضاعة تأخرت في مطار دبي ،، البضاعة نزلت في دولة ثانية بالغلط!! وهكذا طوال شهر ونص كل يوم سالفة..
تأكدنا في النهاية ان البضاعة (محد يعرف مكانها) وأقرت الشركة بالتقصير وقاموا بتعويضي 4000 درهم وكسور ،، وراحت قيمة الشحن وراحت مصاريف التأمين وراحت قيمة البضاعة نفسها (غلطة مني اني سويت فاتورة مخفضة ، وياليت عطوني اياها كاملة!!)
قلنا الحمد لله على كل حال ، والله يعوضنا خير!
طبعا كان فيه تفاصيل (وايد) طوال تلك المدة ، لكن ماأبغي أطول عليكم..
واستوت لي سالفة ثانية مع نفس الشركة لكن للاختصار أكتفي بواحدة..