السلام عليكم ورحمة الله وبركاته
ادور سي دي لكزس ls430 موديل 2004 خليجي مال النفيقيشن لمشروع برمجة سي دي النفيقيشن للكزس الوارد من امريكا واذا اشتغل بوفره للمتوهقين في الوراد.
تحياتي
56 thoughts on “سي دي لكزس ls430 موديل 2004 النفيقيشن”
Comments are closed.
يا جماعة الخير ………..السلام عليكم
والله أي واحد من المحلات يقولك بوكس أو ادفع حتى 200 يقص عليكم ………..تبا اتشغله على لكزس وارد
سوو الي اقولكم وبعدين تعالوا عاتبوني
اول شئ هات سيدي نافيقيشن من حد من ربعك ولا اتسلفه عشر دقايق بس
طبعا السيدي محفوظ من النسخ بس الحين فيه برامج وايد تنسخ وعليكم ببرنامج نيروا
لازم اتفهمون وتقتنعون بشئ اساسي
نظام النفيقيشن عشان يشتغل محتاج ( قطعة جبس رسيفر) وهي اساسا موجوده في كل سيارة لكزس وارد ولا خليجي اتكلم عن الشكل الجديد واللي قبله بس يعني من 2000
هل اتعرفون ان النفيقيشن اساسا شغال في الوارد بس بدون خارطة عشان جذي ما يطلع شي ووايدين يتحرون انه خربان أو محتاج برمجه تبا اثبات لكلامي …..خزن نقطه أو موقع في لكزس ما يشتغل فيها النفيقيشن واتحرك بالسياره راح اتشوف ان النقطه تبعد وتتقرب بحسب تحركك يعني السيستم شغال
السيدي شو يسوي …..كل الي يسويه يعطي خلفيه للشاشه ويم تمشي السياره اتحس انك تمشي على الشارع……….كيف طبعا هذا لأن الخارطة ديجيتال يعني بالإحداثيات ……الجبس ريسيفر يحدد الاحداثيات والخارطة توضح النقطة وتتغير بحسب التحرك
اوفر عليكم شغل النسخ ……..عندك عشرين درهم ……..روح استوديوا ولا محل كمبيوتر وشل وياك DVD للتأكيد بس وطبعا اكيد عنده بتلقى حتى لو ما اتييب وخله ينسخلك ….وركب وبس
مجربه …………….واعيد مجربه على ثلاث سيارات 2002 و 2004
اتمنى اني فدتكم….
والله طلعت روحي كتبته ثلاث مرات ويعلق الموقع وارجع اكتب من جديد ….
اي استفسار راسلوني …بس عذروني مب دوم هني
دعواتكم اخواني بس
احيدك اخوي سول ميت قلت لايأس مع الحياة ولا حياة مع اليأس
بالنسبة لبرمجة الابروم انا عندي فكرة جيدة عنها وعندي جهاز البرمجة بعد في الدوام وممكن استخدمه.
بس لازم اعرف اول شي كيف شكل وحجم الابروم… بعدين شو سالفة الاوامر الصوتية اللي قلت عنها..
اول شي اشكر اخوي الكنج والله ماقصرت اليوم وبيض الله ويهك واسمحلنا على تكسير البوكس الخليجي
طبعا اليوم انا كنت برفقت كنج في دبي بالتحديد معارض العوير وماخلينا سيدي ولا بوكس نفيقيشن ما ركبنا على سيارتي طبعا يعني سوين حقل تجارب عليها لين ما فضت البطارية وتوهقنا.
في النهاية اتضح ان البوكس مال الامريكي مصنع من قبل شركة Navteq وطبعا تدعم امريكا واروبا
والخليج شركة Asin تدعم جميع دول اسيا
استنتاج: كل بوكس فيه روم واعتقد انا ممكن نسخ روم الخليج وتحميله على الامريكي ويضبط البوكس بس انا صراحه مالي باع في موضوع نسخ الروم الخليجي وعمل فلاش لامريكي والى يتم عن طريق كمبيوتر عادي بس عن طريق Ecpro.
الخبر الحلو اني خلاص تعبت وناوي اشتري بوكس من الفطيم ب 5900 درهم واركبه وافك عمري من السالفه مع العلم انه الاوامر الصوتيه ما تشتغل في النظام الخليج المركب على الامريكي والى زرها موجود في الاسترينق او او زر على اليمين في شاشه النفيقيشن.
عزيزي كنج لو اني كثرتها عليك بعدني ابغي نسخه من السيدي الخليج الى عندك 2006-2007 ويعطيك الف عافيه.
يعطيك العافيه ممكن تكتب لنا نوع اللكزس وموديلها ونوع السيدي الى استخدمته ولو تذكر التفاصيل بالممل يكون افضل.
يا اخواني الحل لا زم تغير البكس لا اني انا غيرته و ركبت مال استيشن لكزس واحين استخدمه……تحياتي