السلام عليكم ورحمة الله وبركاته
نعم مبروك عليكم السوق ان شاء الله بكره فوق فوق
ليش انا متفائل !
1- تقاطع SMA10 و SMA25 بات قريبا جدا
2- اعطى مؤشر PVO ايجابيه تداول الأربعاء والثلاثاء الي طاف
3- مؤشر التدفق النقدي والتجميع جيد
اتوقع يكفي ولن اذكر اي شيء سلبي بالنسبه للمؤشرات !
لكن اياكم وان تسنفروا بحياتكم قبل كسر 5720 واكيد كسر 5680 يعتبر خروج ( الخيانات ممنوعه )
لأصحاب القلوب الحديديه والي مستعديد للدخول عند القمم …الله يستر
هذا والله اعلم …وبالتوفيق
خلونا نحلل السوق شوي … بنظره تفاؤليه تشاؤميه بحته ! (شو يعني ! تناقض وانفصام بالشخصيه !
)
نحن في ترند صاعد من اخر قاع 3961 نقطه ! قاع اقرب 5161 نقطه
دعوم هامه مثل 6000 (حاجز نفسي ) و 6100 مقاومه قريبه
(خفتوا ! ولا !!! …….. الخوف = الحذر مطلوب )
المهم علي أقل تقدير يجب ان نرى تفريغ مؤشرات وجني ارباح يزور 6000 -6100 نقطه ( وان شاء الله يرتد منها )
وهذا يزيد من تثبيت السوق وقوته …. لكن الأسلوب مهم ….
هل سوف نشهد هبيط تدريجي شوي شوي …حبه حبه ولا كبس ورش وأفلام هنديه ! (وينك يا راعي الأودي )
بصراحه انا الصعود القوي وعلي فتره طويله يخوفني ويجعلني ابحث عن نقاط الضعف …لأن لكل فعل ردة فعل …
ارفق لكم شارت علي الفريم الاسبوعي ل 6 أشهر
شوفوا المؤشرات التاليه واضحه PVO تصريف من متى!
اسمحولي …. احافظ علي ارباحي …اهم من ان اربح اكثر ! ( الطمع قل ما نفع )
طبعا هذا رأي شخصي …. والله من وراء القصد
وبالتوفيق …..
وهل يحتاج آبار تحليل !
السهم ما شاء الله ما شاء الله
فوق 
للي ماخذ السهم يجب ان يتمسك فيه (ذهب أسود )
للمضارب ما دام السوق صاعد السهم ايجابي للدخول وشموعه كلها ايجابيه
لكن السهم ارتفع كثيرا مؤخرا مما يؤهله لجني ارباح
أهم المقاومات 4.1 و 4.25
اي سعر للمضارب تحت ال 4.1 (اذا عرف يقتنصه ممتاز ) بشرط يستمر السوق ايجابي
ياااسلاااااااااام عليكم والله حسيت برااحه بردك
بالفعل سويت كذى صفقه في املاك اليوم ولله الحمد ربح طيب كاان فيه
ولكن ياخوي مثل مانسمع من بعض المحللي ان فوق 6.200 معرض في اي لحضه المؤشر لجني ارباح ويمكن ان يطول ويدخل في موجه تصحيحيه فما رأيك انت ؟
ومتى ترى الخروج والانتضار والجلوووس في دكة الاحتيااط وانتضااار عودة الايجابيه ؟؟
بس مارديت علي بخصوص ابار دخلت فيه اليوم على 4.12 وسبب الدخول كان اكثر من محلل وفي اكثر من مناسبه كانو يقولون انه ابار اذا اخترق 4.1 فهو جيد وانا الصراحه ثقتي فيهم كبيره وفي الاول والاخير قرار البيع والشراء هو قرار شخصي والمحلل يقول الي يشوووفه والمؤشراات شو تقول قدامه فهو يحدد على ضوء ذالك
اخوي هشام
الاخ الكونجرس
سالك عن ابار؟؟؟
وانا اضم صوتي لصوته واسالك عن ابار؟؟؟
وشو رايك؟؟ بدانه؟؟؟
اسمحلي تأخرت عليك … وعلي الأخ shooting*star
المضاربه بالنسبه لي مرهونه بحركه السوق العامه ( والحمد لله السوق للآن بخير
)
تحدد طبيعه المضاربه هل هي بشكل يومي ويمكن اكثر من مره في اليوم الواحد (خطف — قناص)
ولا اسبوعي (سوينج )
علي سبيل المثال خذ عندك املاك (الحوريه ) اليوم فتح بفجوه (بين 5.59 أول صفقه و آخر اغلاق 5.52)
فرق كبير ! يعني بالعربي كان الشيل ماركت (علي الأقل في البدايه)
وكان واضح الهجوم علي السهم
بعد الانتظار 15-30 دقيقه ( ومن معطيات التداول أول ربع ساعه ) تحط اوردر شراء (سعر أقل من 5.59 بشوي 5.58 أو 5.57) وتدع الرحى تدور وتراقب حركه السهم وكميات الشراء والطلب لو وجدت بعد ساعه مثلا ان سعر شرائك اصبح بعيد عن السعر الحالي نسبيا تمدد البقاء بالسهم … وهكذا
لاحظ انك في ترند صاعد للسهم في محيط ترند صاعد للسوق (يعني مفروض الوضع آمن نسبيا )
كميه التداول والحركه علي السهم كبيره (مو سهم نايم )
دائما يكون عندك مارجن خساره يعني ستوب لوز بونت (نقطه وقف خساره ) 2% – 5%
الدخول يكون ببلوكات (تدرج الدخول)
بالنسبه لنقاط الدخول أخوي علي حاله السوق طاير وصعب تحدد نقاط دخول (لان السهم قد لا يلامسها )
يعني السوق هو وحالته تفرض علي اللعيب كيف يلعبها ….
في الغد مثلا نقول بشكل عشوائي ديار !
السهم اعطى دايفيرجنس سلبي علي الماكد و مؤشراته الصراحه مو قويه ….يعني لو السوق يهبط الله يستر السهم
( هذه نظرتي مع احترامي لملاك السهم ومحبيه )
لكن الشموع اليابانيه تقول دخول ومؤكد علي السهم
يعني في تضارب بين المؤشرات وال شموع وهنا ممكن ان نعتمد الدخول الحذر …
تحط أوردر شراء علي 2.9 (ثلث الكميه ) و 2.94 (متوسط 10 ايام ) ثلث آخر (قبل ما يفتح السوق )
تلاحظ الطلبات في البيع والشراء للسوق ككل (وضحة الرؤيه السوق بدايته شو ؟!)
والثلث الأخير لو السوق بدأ بقوه تدخل مع البدايه 30 دقيقه الأولى وتراقب الحركه
في حاله ان السهم بدأ يفقد اتزانه وبدأ بالتذبذب ممكن ان تخفف (لو انك اشتريت ) اذا انك ربحان
ولو انعكس اتجاه السهم وأصبح سلبي تطبق وقف الخساره ( والله يعوض عليك )