كثير من الناس استبشر خيرا عند افتتاح سوق التنين في دبي وذلك بسبب ان البضائع الصينينه رخيصه وجودتها مقبوله نسبيا ..وستكون متوفره في دبي وبخف العنوه على التجار و الافراد من السفر الي الصين …و من المعروف ان الصناعات الصينيه داخله في كل المجالات من صناعه المسامير الي السيارات.

لكن دائما اسمع من الناس الي زاروا سوق التنين بان الاسعار مبالغ فيها مقارنه بالاسعار في الصين و تصل الي 3 اضعاف عن سعرها الاصلي.

سؤالي لي أهل التجربه الي اشتروا بضائع من الصين وزاروا سوق التنين هل هناك فرق كبير بين الاسعار في الصين وسوق التنين؟؟؟

49 thoughts on “ســــــوق التـــــنـــين – دبــي”

  1. السلام عليكم ورحمة الله وبركاته

    اول شي مغلين الاسعار اغلى من السوق وماشي كوالتي وانا بس اروح اشوف الاسعار عندهم وماشتري اي شي منهم

    الحمدالله الموضوع انفتح انا ابا اتكلم في شي مهم انه السوق الصيني مايبيع بس الي تشوفونه

    في محل عند البوابات سألناه عن الليزر الاخضر المهم الي شغالين في المحل صينين ويا هنود ياني الهندي وتمينه نسولف وياه قالي تبا مسيل دموع قلتله لا ماباه وتم على راسي تبا مال كهربه تبا كلبجه اقوله لا قلت في خاطري خلني اسأله قلتله عندك مسدس قالي هي عندي بس موجود لازم اكلم البوس مالنا عقب ايبلك اياه عقب خليت عمري مب مهتم قتله وين الليزر الي اباه قالي بس دقايق راح اييب الليزر من السيارة لنه ممنوع ينباع .

    الموضوع كبير وايد لازم حد يتدخل في الموضوع هذا الي قالي اياه من اول مره اتعامل وياه الله يستر شو يكون عنده لو تعاملت وياه اكثر .

  3. السوق الصيني اول ما تاسس كانت الاسعار فيه مثل العسل لدرجة ان التجار كانو يطلعون اشاعات عشان يشوهون سمعته مثلا الشخص الي كلوه الصينين و هو حي . عالعموم اشتهر السوق وقامو الناس من كل الخليج يزورونه، وكل سعر يعرضونه الصينيين عليهم قالوا فالك طيب ويدفعون، الصينيين استانسوا من السالفة، صاروا يبيعون البضاعة بضعف السعر وربعنا يدفعون، اليوم صار السوق كارثة، كل ما نقول لهم دسكاونت قامو يتحرطمون ويقولون هونج شونج جينج وا كأنهم يسبون، رجاء يا جماعة كاسروهم في السعر

    صح صح اتذكر هالكلام >< ناس فاضيه والله

    • Comments are closed.