سلام عليكم إخواني وخواتي
عندي موضوع من شهور أفكر فيه ومالقيت له جواب …
أنا لاحظت أن أغلب اللي أعرفهم (من الإخوان العرب – وتحديدا جنسيتين وهم الأغلبية العظمى) أشوفهم يطولون ظفرهم اللي بالإصبع الصغير (الخنصر)
ماأعرف شو الهدف أو المغزى من هالظاهرة ،،،،، سألت كم واحد فيهم وماعطاني جواب وتم يتهرب من سؤالي له … (وهم من ديانات مختلفه) وهذا اللي زاد فضولي
سؤالي لايعتبر تدخل بأي مذهب أو طقوس أو ديانه ،،،،
بل هو سؤال فضول لا أكثر ….
حاولت أدور بالجوجل ومالقيت الجواب الشافي …
ياليت اللي يعرف شي أو اللي حاب يشارك برأيه مايبخل على أخوكم القلم الحر … لأن راسه شاب من الفضول ..
الله يخليكم بلا ذكر جنسيات وبلا النغز بالديانات
… (كلامي للأعضاء الجداد بالمنتدى ^_^)
والسموحه
القلم الحر
اعرف واحد درزي وشفت اكثر من واحد مطولين ظفر الخنصر…من قريت موضوعك تذكرت انه مطول ظفر الخنصر..لكن ابد ما يا عبالي انه يدل علي شي معين…لكن فعلا احتمال يكون كعلامة للتعريف فيما بينهم..
موضة مراهقين
الاسباب
1- سكروب (مفك براغي )
2- لتنظيف الاذن من الداخل اعزكم الله
3- تقليد
4- والاهم لتنظيف الانف اعزكم الله( للنقافة)
هذا اللي اعرفه والسموحه
اعتقد لفتح البراغي ..خخ
جمعة مباركة …
أشكركم على الأفكار والردود ،،، لكني أبغي أفكار وآراء أكثر …. ياليت لو أقدر ألاقي جواب …
قبل شوية واحد من ربعي قال لي أنه يمكن تربية الظفر عشان يكون كرمز بين ناس معينيين ،،،، مثل الماسونية وطريقتهم بالسلام ،،، عسب كلما واحد شاف هالعلامة بيكون يعرف أن هالشخص من طائفته أو ماشابه …
وكلام بوعسكور مقنع بشكل كبير ،،، لأني لاحظت واحد من ربعي درزي ويربي ظفره ، والسيخ أيضا يربون ظفرهم ،،، والرابط المشترك بينهم هو معتقد تناسخ الأرواح …
لاتبخلوا علي بالمشاركة لو عدكم أي معلومه ثانية …
وأنا واثق أنه زاد فضولكم مثلي ،،،،