ساعدو واحد من الشباب يدور محامي حسابات لان الموضوع كبيره وطلب مساعدتي

السلام عليكم

اخواني خواتي

واحد من الاخوان طلب مساعده سريعه مني بصراحه ما عرفت اخدمه بس وعدته الاقيله في اقرب فرصه ممكن

واحد من الاخوان ماخذ قرض من البنك تقريبا في حدود مليون و 400 الف تقريبا ..

وصارت عنده ظروف مرضيه وغيره المهم تم اقالته من العمل .. والحين كمل شهر ما دفع ..

ويخاف ان البنك يرفع قضيه عليه او شي ..

المسكين ما عنده شي واللي حصل كان غصب عنه مب برضاه والمسكين خسر فلوسه كلها في الاسهم .. يعني حالته تعبانه وايد الله يعينه

بس يليت حد من الاخوان يدلنا على محامي شاطر او حسابات في دبي او الشارقه عشان يخلص موضوع الريال ويخلص مع البنك من دون محامين

للعلم الريال كان يدفع 13000 الف كل شهر للبنك ..

لو تحصلوله محامي يرتبله انه يدفع على الاقل 4000 درهم بدون فوايد او يحولها محكمه او اي شي .. انا والله ودي اساعد هذا الريال لان حالته وايد تعبانه المسكينه بتيه سكته قلبيه من ورا الضغوطات اللي عليه ..

يليت تخبروني او تدلوني على محامي شاطر يخلصه من الموضوع هذا ويكون ما ياخذ وايد لان فقير ما بقى شي عنده ..

المصيبه الريال متزوج وعنده عيال …

يليت اللي عنده المحامي المطلوب

اخوكم يوسف