السلام عليكم

اخواني مابا اطوّل عليكم و ابختصر الموضوع لانه وايد طويل و معقّد ..

مرّه كنت في احد المنتديات و كنت قاعد اكتب يومياتي في المدوّنه الخاصه فيني .. و بالغلط [ اكبر غلط غلطته في حياتي ] .. كتبت ان عمي يداوم في سفارة الامارات في المغرب ..

عقب فتره .. وصلتني اضافه عـ المسن بس ما رمست صاحبها .. لكنه عقب كم يوم طرش لي رساله ..

فـ عرفت انه مواطن مغربي عمره تقريبا 29 سنه و عنده شهادات و خبراات ماشاء الله هب قليله .. و شاف الجمله اللي كتبت فيها عن عمي .. و طلّع سيرة حياتي كامله من النت

و طلّع كل المنتديات اللي انا مشارك فيها و كل ايميلاتي و كل ارقامي [ بحكم انه كانت لي تجاره ع النت ] .. و كل شي عن حياتي من يوم كان عمري شهر لين الحين هو يعرفه ..

اللي كان يباه مني اني اتوسّط له عند عمي في السفاره ..

و من هذاج اليوم و الاضافات ع المسن ما توقف من صوبه .. و لا رسايل الايميل .. و حتى مسجات التلفون و الاتصالات 24 ساعه ..

ما وقفنا لـ هالحد ..

ظهّر رقم الوالده من النت [ كانت تبيع عطورات و دخون ] .. و اتصلها ع رقمها و رمسها ..!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!! الى مالا نهاية من علامات التعجب ..

صدقوني ما استبعد انه بيوصل لـ هالموضوع و بيقراه ..

..!!

هو طرش لي الـ CV ماله .. و اجازه و خبراتها و و و و و ..

هذا كله عشان يتوظّف .. [ انا ما الومه لان الحايه بنت حرام ]

و صدقوني انا هب حاقد و لا حاسد عشان ما اساعده .. بس كيف بقدر اساعده ..

بتقولون لي رمّس عمّك .. بس شو اقوله .؟ اقوله انا كنت ارمس عنك في النت و و و .. و الحين اباك تتوسط لـ هالشخص .؟

إذا نحن المواطنين ما نحصل الشغل بطلعة العين ..

هذا غير انه العلاقة بيني و بين عمي هب هذاج الزود .. يعني هو دوم مسافر و ما نشوفه الا ايام معدودة في السنه ..

زين اذا هو يعرف اسمي ..

يعني المسأله و الله هب سهله ..

سالفة هالريال تقريبا من شهرين .. و لين البارحه هو يدق ع رقمي و رقم الوالده ..

بصراحه انا هب عارف شو اسوي .. و لا ابا احرج الريال ..

ياليت حد من الاخوان يقولي كيف اتصرف في هالموقف الصعب ..

و السموحه طوّلت عليكم ..

29 thoughts on “ساعدوني كيف اتصرف في هالموقف ..!!”

  1. الله يكون فعونك

    غيررقمك ولا تاخذه باسمك خذه باسم هندي او حد غير

    والوالده الله يخليها لك بعد ظهرلها رقم غيره هذا وسكروا التيلفونات الاوليه يلين فتره

  2. ياريال انا هذا ضافني

    قالي انه يدور عليك من منتدى سمانا

    ومادري شو

    وهو خذ ايميلي من ملف الشخصي

    وقالي انه يبا وضيفه هههههههههههههه

    قلت له فمان الله وسويت له بلوك دليت

    ضافني مره ثانيه

    يقولي ارجوك كلم الاخ فيلسووف لووووووووول

    شو مسوي انته

    مشهور شكلك في مغرب هههههههههه

    . . .

    ياريال غير رقمك وفك عمرك

    وغير نك نيمك لووول

    اسميك ما سويت زين الحين الريال ما بيرقد

  3. ياريال انا هذا ضافني

    قالي انه يدور عليك من منتدى سمانا

    ومادري شو

    وهو خذ ايميلي من ملف الشخصي

    وقالي انه يبا وضيفه هههههههههههههه

    قلت له فمان الله وسويت له بلوك دليت

    ضافني مره ثانيه

    يقولي ارجوك كلم الاخ فيلسووف لووووووووول

    شو مسوي انته

    مشهور شكلك في مغرب هههههههههه

    . . .

    ياريال غير رقمك وفك عمرك

    وغير نك نيمك لووول

  4. ما يحتاي تشتكي وتظارب وياه ولا تبلغ عليه ..انت عاد الله ايهديك ما بغيت الا هاي البلاد الي ايطيرون الي ما ايطير اللهم يا كافي…

    اقووووول اخرط عليه وقوله اصلا لا عمي ولا شي بس انا حبيت الفت الانتباه فقط لا غير …وقوله بسأل اذا حد بيقدر ايساعدك بخبرك وفتك من الصدعه

    انا هاجذه اذا عرفت حد ايكلمني من هاي البلاد سيــــــــــــده بلوووك والله اخاف منهم

  5. قول له انك كنت تخرط في المدونة عشان تسوي نفسك مهم ولا لو عمك واصل انت بتبيع في الانترنت

    ^_^

    اعرف حلي عجيب

    هلا اخوي …… و الله اني كنت حاط نفس الاقتراح في بالي ….قوله انه لا عندك عم في المغرب و لا شي …….. و حطيت هالكلام بس جي خريط عشان تسوي نفسك مهم و تلفت نظر المغرببيا…… لوول

Comments are closed.