السلام عليكم

اخواني مابا اطوّل عليكم و ابختصر الموضوع لانه وايد طويل و معقّد ..

مرّه كنت في احد المنتديات و كنت قاعد اكتب يومياتي في المدوّنه الخاصه فيني .. و بالغلط [ اكبر غلط غلطته في حياتي ] .. كتبت ان عمي يداوم في سفارة الامارات في المغرب ..

عقب فتره .. وصلتني اضافه عـ المسن بس ما رمست صاحبها .. لكنه عقب كم يوم طرش لي رساله ..

فـ عرفت انه مواطن مغربي عمره تقريبا 29 سنه و عنده شهادات و خبراات ماشاء الله هب قليله .. و شاف الجمله اللي كتبت فيها عن عمي .. و طلّع سيرة حياتي كامله من النت

و طلّع كل المنتديات اللي انا مشارك فيها و كل ايميلاتي و كل ارقامي [ بحكم انه كانت لي تجاره ع النت ] .. و كل شي عن حياتي من يوم كان عمري شهر لين الحين هو يعرفه ..

اللي كان يباه مني اني اتوسّط له عند عمي في السفاره ..

و من هذاج اليوم و الاضافات ع المسن ما توقف من صوبه .. و لا رسايل الايميل .. و حتى مسجات التلفون و الاتصالات 24 ساعه ..

ما وقفنا لـ هالحد ..

ظهّر رقم الوالده من النت [ كانت تبيع عطورات و دخون ] .. و اتصلها ع رقمها و رمسها ..!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!! الى مالا نهاية من علامات التعجب ..

صدقوني ما استبعد انه بيوصل لـ هالموضوع و بيقراه ..

..!!

هو طرش لي الـ CV ماله .. و اجازه و خبراتها و و و و و ..

هذا كله عشان يتوظّف .. [ انا ما الومه لان الحايه بنت حرام ]

و صدقوني انا هب حاقد و لا حاسد عشان ما اساعده .. بس كيف بقدر اساعده ..

بتقولون لي رمّس عمّك .. بس شو اقوله .؟ اقوله انا كنت ارمس عنك في النت و و و .. و الحين اباك تتوسط لـ هالشخص .؟

إذا نحن المواطنين ما نحصل الشغل بطلعة العين ..

هذا غير انه العلاقة بيني و بين عمي هب هذاج الزود .. يعني هو دوم مسافر و ما نشوفه الا ايام معدودة في السنه ..

زين اذا هو يعرف اسمي ..

يعني المسأله و الله هب سهله ..

سالفة هالريال تقريبا من شهرين .. و لين البارحه هو يدق ع رقمي و رقم الوالده ..

بصراحه انا هب عارف شو اسوي .. و لا ابا احرج الريال ..

ياليت حد من الاخوان يقولي كيف اتصرف في هالموقف الصعب ..

و السموحه طوّلت عليكم ..

29 thoughts on “ساعدوني كيف اتصرف في هالموقف ..!!”

  1. العين بالعين و السن بالسن
    …

    هدده انك بتبلغ عليه ان رد اتصل فيك او اتصل في الوالده…وان ما فاد معاه نفذ التهديد…

    دمك تتعامل معاه بطيب بيتحراك خايف و ضعيف..

    انت…ولد الامارات…ولد زايد خلك حمش

    بدال ما هو مضيع وقته يلاحقك..لو مقدم في اي شركة توظيف عندهم جان من زمان توظف…

    بس في رايي هذا قاعد يتسلى بحرق اعصابك و مستانس باللعبه..ومب بعيد تلقاه ميمع ربعه ويروي لهم بطولاته خخخخخخ

  2. ليش امعقد الموضوع..

    انته سو اللي عليك وكلم عمك شو خسران..!!

    واذا ((صـــــدق)) ماكان فيه نصيب كلمه وقول له الصدق..

    وبعدين الريال غلطان لنه قاعد يلح عليك.. مفروض اتفهمه واتقول له انه اللي يسويه غلط وماله حق انه يراقب كل تحركاتك..

    ^_^


    و الله قلتله هالكلام .. قلتله ياخوي انا ما بأيدي شي .. و لا عمي بأيده شي

    لكن الحاحه ابدا هب طبيعي

    و انا هب ودي اعقد شي .. بالعكس كان ودي تخلص السالفه من البدايه

    لكن شكلها ما بتخلص ..

    الله المستعان

  3. ليش امعقد الموضوع..

    انته سو اللي عليك وكلم عمك شو خسران..!!

    واذا ((صـــــدق)) ماكان فيه نصيب كلمه وقول له الصدق..

    وبعدين الريال غلطان لنه قاعد يلح عليك.. مفروض اتفهمه واتقول له انه اللي يسويه غلط وماله حق انه يراقب كل تحركاتك..

    ^_^

  4. على فكرة اول شي انته يقدر اي حد يستغلك لان عمك يداوم في السفارة والواجب عليك انك ما تطلع هذه الامور وهيه تعتبر سرية

    طنش الموضوع وقولة اسمحلي احالو عمي على التقاعد وانتبه مرة ثانية تفشي المعلومات لانك تمثل بلدك وما تمثل نفسك خاصتاً في الخارج

    ارباب

  5. سالفه غريبه ..
    واللحين المغربي يشوف الردود ويقراااهم الله يعينك والاعضاء في المنتدى عطوك احسن الحلول منها القويه ومنها السلمية .. وانت شو وتخير منها الي يناسبك

    يا ويل حالي…أنا ما أنتبهت لهاي النقطة…

    وأنا شرشحت المغربي تشرشيح..

    الحينه أخاف ينتقم مني..

    بتلاحق عمري..وبطلب من الإدارة تلغي ردودي..

    أعوذ بالله منهم…ومن سحرهم…!!!

Comments are closed.