السلام عليكم

اخواني مابا اطوّل عليكم و ابختصر الموضوع لانه وايد طويل و معقّد ..

مرّه كنت في احد المنتديات و كنت قاعد اكتب يومياتي في المدوّنه الخاصه فيني .. و بالغلط [ اكبر غلط غلطته في حياتي ] .. كتبت ان عمي يداوم في سفارة الامارات في المغرب ..

عقب فتره .. وصلتني اضافه عـ المسن بس ما رمست صاحبها .. لكنه عقب كم يوم طرش لي رساله ..

فـ عرفت انه مواطن مغربي عمره تقريبا 29 سنه و عنده شهادات و خبراات ماشاء الله هب قليله .. و شاف الجمله اللي كتبت فيها عن عمي .. و طلّع سيرة حياتي كامله من النت

و طلّع كل المنتديات اللي انا مشارك فيها و كل ايميلاتي و كل ارقامي [ بحكم انه كانت لي تجاره ع النت ] .. و كل شي عن حياتي من يوم كان عمري شهر لين الحين هو يعرفه ..

اللي كان يباه مني اني اتوسّط له عند عمي في السفاره ..

و من هذاج اليوم و الاضافات ع المسن ما توقف من صوبه .. و لا رسايل الايميل .. و حتى مسجات التلفون و الاتصالات 24 ساعه ..

ما وقفنا لـ هالحد ..

ظهّر رقم الوالده من النت [ كانت تبيع عطورات و دخون ] .. و اتصلها ع رقمها و رمسها ..!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!! الى مالا نهاية من علامات التعجب ..

صدقوني ما استبعد انه بيوصل لـ هالموضوع و بيقراه ..

..!!

هو طرش لي الـ CV ماله .. و اجازه و خبراتها و و و و و ..

هذا كله عشان يتوظّف .. [ انا ما الومه لان الحايه بنت حرام ]

و صدقوني انا هب حاقد و لا حاسد عشان ما اساعده .. بس كيف بقدر اساعده ..

بتقولون لي رمّس عمّك .. بس شو اقوله .؟ اقوله انا كنت ارمس عنك في النت و و و .. و الحين اباك تتوسط لـ هالشخص .؟

إذا نحن المواطنين ما نحصل الشغل بطلعة العين ..

هذا غير انه العلاقة بيني و بين عمي هب هذاج الزود .. يعني هو دوم مسافر و ما نشوفه الا ايام معدودة في السنه ..

زين اذا هو يعرف اسمي ..

يعني المسأله و الله هب سهله ..

سالفة هالريال تقريبا من شهرين .. و لين البارحه هو يدق ع رقمي و رقم الوالده ..

بصراحه انا هب عارف شو اسوي .. و لا ابا احرج الريال ..

ياليت حد من الاخوان يقولي كيف اتصرف في هالموقف الصعب ..

و السموحه طوّلت عليكم ..

29 thoughts on “ساعدوني كيف اتصرف في هالموقف ..!!”

  1. سالفه غريبه ..
    واللحين المغربي يشوف الردود ويقراااهم الله يعينك والاعضاء في المنتدى عطوك احسن الحلول منها القويه ومنها السلمية .. وانت شو وتخير منها الي يناسبك

  2. عـ فكره

    تراه طرش لي مسج فيه رقم عمي .. مادري كيف يابه ..!!

    و يباني اتصله ..

    الله يعين و الله ..

    تسلمون ع الردود ..

    الصراحة بديت اشك في الموضوع

  3. نصيحتي لك اخوي هو انك تروح تكلم الشرطة بهالخصوص وما تساعده ابدا لانه راح يصدق عمره وكل مرة راح يحشرك وممكن توصل انه يطلب منك فلوس وممكن انه يهددك يا اخي انت الصراحة عجيب كيف صابر كل هالمدة ؟
    يعني يكلم الوالدة بعد صدق انه ما يستحي افرض انه حصل وظيفة عن طريقك كيف بتضمن انه ما بيغش الناس؟
    يا اخي هذا يبا واحد في المخابرات يسجنه كم من شهر عسب يحترم خصوصيات الناس والله انها مسخرة


    اخوي مابا اكبر السالفه ..

    ان شاء الله بحاول ارمسه بنفسي و يتفهم الوضع

    تسلموون اخواني ع مروركم

    عـ فكره

    تراه طرش لي مسج فيه رقم عمي .. مادري كيف يابه ..!!

    و يباني اتصله ..

    الله يعين و الله ..

    تسلمون ع الردود ..

  4. نصيحتي لك اخوي هو انك تروح تكلم الشرطة بهالخصوص وما تساعده ابدا لانه راح يصدق عمره وكل مرة راح يحشرك وممكن توصل انه يطلب منك فلوس وممكن انه يهددك يا اخي انت الصراحة عجيب كيف صابر كل هالمدة ؟
    يعني يكلم الوالدة بعد صدق انه ما يستحي افرض انه حصل وظيفة عن طريقك كيف بتضمن انه ما بيغش الناس؟
    يا اخي هذا يبا واحد في المخابرات يسجنه كم من شهر عسب يحترم خصوصيات الناس والله انها مسخرة

  5. الله يكون في عونك أخوي

    أنا من رايي انك تسوي له طاااف

    اذا انت مب قادر صدق تساعده ،، واذا قادر اخوي لا تبخل عليه لنك بتاخذ اجر

    مصيره يتعب و بيبعد ،،

Comments are closed.