بـــــعـــد الســـــــلام والـــــــرحمـــــــه ….
واشحـــالكم يا شبــــــــــاب ويا بنات …يا حلوين ويا حلــــــــوات ……
مما لا شك فيــــــه بان النسبه العظمى من الموظفين منكـــــم
ممن يداومـــون في المكـــاتب …وعلى الكراسي والكمبيـــوتر ….
ويقعدوون بالســاعات ….وزين لو يتحركون لو شوي من مكانهم ….
وانــا طبعـــا من هذه الفئـــه اللي رمست عنها …..
والمشكله اللي انا تعرضــت لهــا وبغيت اطرحها لكم …والكل يستفيد ….
الا وهي ..التعـــرض لآلاام الظهر المبـــرحه ..من كثــر اليلسه ع الكرسي …
حيث اني من يومين تقريبا ..وفجأه ودون سابق انذااااار ..حسيت بآلام شديده في الظهر
حتى اني اليوم ما قدرت اركع ولا اسجد ….واحس ان ظهري متيبس ومتصلب ….
ويالس امشي تقول روبوت الكتروني …….والله آلام فضيعه …..
المهم انا بغيت منكم النصيحه شو الحل في ها الحاله …طبعا انا ما احب اروح مستشفيات …
وسرت اليوم السيتي سنتر عسب ادور مخده طبيه لاسفل الظهر ….لكني ما لقيـــت ….
اذا حد فيكم يعرف وين اقدر الاقي ها المخده الطبيه اللي تيي صغيرونه تحت الظهر ع الكرسي …
او عنده اي حلــــــــول طبيعيه للفكــاك من هذا الآلام الفظيعه والتي بدت تحرمني لذه النـــوم ….
ويــــــــزاكم الله خيـــــر مقدمــــــــــا ……والله لا يبليكم بمكـــــــروه ……
width=400 height=350
مرحبا الغالي بوينق ….انا ادور الحل السلمي ….ما بغيت مستشفيات …
ومشكـــــــور اخــويه ع المرور والمشاركه
اخـــــــــــوي الدكتور هذا اظن في مستشفى العظام و الاعصاب
ما يحب الادويه و العلاجات الكيماويه بيسويلك علاج طبيعي و بيفحص عمودك الفقري فقرة فقرة و ان شاء الله بيخبرك وين العوق …
الله يعافيك
ســـــلالالالالالالالامتك اخويه قناص دبـي ماتشوف شر ..
وانا بعد شكلي ضربت عمري بع ـــــــيين
لنه طول عمري الي حولي يشتكون الي مصدع و الي ريله تعوره و الي ظهره ووو الخ
وانا صاح ــية دوم شرات الفراشه :kkkg7:
لدرجة اني كنت اقول : فخاطري اصــدع ابى احس بويع الراس :nnnddyy: !!
<< مينونة
بعقل :confused: !
المهـــــــم من ثلاث ايام ظهري يعورني و انا اول مررررررررة فحياتي احس جي
وطبعاً مابروح عند يدتي لني ماتحمل تدليكها و لني لو قلت “آآي” بتعطيني محاضرة أطووووووول
مني ، لا و مابتتكلم بس عني بتتكلم عن بنات جيــلنا كلللللله !
ترى ماعندها ون تو شريرة بس يدتي الثانية فديتها طيبه
مب جني كتبت قصه حياتي !!!
المهـــــم اشوفهم يمدحون السباحة و انت مشترك فنادي فشد حيلك
و الله يعطيك العافيــــه
والسموحة ..
انا كنت في سيتي سنتر اليوم
شفت واحد دب متيييييييييييين شيبه شايل تاير في ايديه…ماكنت اعرف ان هذا انت ياقناص:rofl:
عموما بما انك من الشواب…روح عند الطبيب الي عالج الوالدة في المستشفى الامريكي بدبي ….بصراحة ممتاااااااز.. والحمد لله الوالدة الحين ماتشتكي من الم الظهر
بسألك عن اسمه وبخبرك بكرا ان شاء الله ..
خخخخخخخخخخخخ..انتي بعد اخترشتي شراتهم …
وانا كنت اقــول بان انتي العاقله الرزينه ……شكلهم عاديينج اليوم …
انزين خبريني يا الرشيقه شو كان لون التـــاير ……
وما شفتي بعد البحـــر اللي كان ربيعي شالنه …اسميه كان بحر ازرق سماوي غامج وغاوي ..خخخ
ايوا ايوا ….
جني عرفتج ….انتي الرشيقه اليابسه اللي كانن ثنتين من البنات ساندتنها عسب لا تطيح …
لا ..والنظاره الطبيه السودا مال سيد مكــاوي وام كلثــوم …ضاربه خريطه في الويـــــــــه …
حشا مب صحفيـــه مستويه …….علامه ما ادري وسيله ..ويمكن صبوره بعد..لووووول
طبك عندي ,,,,,, وأنا أخوك
السباحه
ثم
السبــــــاحه
ثم
الســــــــــــــــــــــباحه
هذا دواك,,,,,, وعلى الله شفاك
شو سالفت قناصينا أثنينهم ميهودين؟؟؟؟
لايكون عين ؟؟؟؟
خطـــــــــــــــاك الشــــــــــــر
يامرحبـــــــا بك اخــــــويه العووووود المنصــــور …..شرفت ونورتنـــا ….
كـــلامك صحيــــــــــح …السبـــاحه وايد ضروريه ومهمه …
والبــارحه كنت في المسبـــح تراني ….واذكر اني علقت في نص المسبح …
بس زين اني سبيــح واعرف واتصرف ..والا جان تيبست وتوهقــــــــــت …..
والـــظــاهر ..انا القنــص ….منجلــــــــب على راعيـــــه …..
وبدال ما نقنص انا والقنـــاص ربيعي …انقصنـــــــا ربـــاعه …..:sahem2: :sahem2:
تبا الصراحه
لا علاج ولا مستشفى ولا ما يحزنون
انا أمس كنت عند الدكتور وشرحت له مشكلتي نفس مشكلتك
قال لي هذه من الجلسه
قلي لو تثني ظهرك بتتعب وايد
اجلس جلسه مستقيم لين باجر ما بتحس بشيء
هذه آلم عضلات الظهر
فانا نصيحتي تجلس عدل ومستقيم لا ترد ظهرك على الكرسي وتحنيه
وبالتوفيق