بـــــعـــد الســـــــلام والـــــــرحمـــــــه ….
واشحـــالكم يا شبــــــــــاب ويا بنات …يا حلوين ويا حلــــــــوات ……
مما لا شك فيــــــه بان النسبه العظمى من الموظفين منكـــــم
ممن يداومـــون في المكـــاتب …وعلى الكراسي والكمبيـــوتر ….
ويقعدوون بالســاعات ….وزين لو يتحركون لو شوي من مكانهم ….
وانــا طبعـــا من هذه الفئـــه اللي رمست عنها …..
والمشكله اللي انا تعرضــت لهــا وبغيت اطرحها لكم …والكل يستفيد ….
الا وهي ..التعـــرض لآلاام الظهر المبـــرحه ..من كثــر اليلسه ع الكرسي …
حيث اني من يومين تقريبا ..وفجأه ودون سابق انذااااار ..حسيت بآلام شديده في الظهر
حتى اني اليوم ما قدرت اركع ولا اسجد ….واحس ان ظهري متيبس ومتصلب ….
ويالس امشي تقول روبوت الكتروني …….والله آلام فضيعه …..
المهم انا بغيت منكم النصيحه شو الحل في ها الحاله …طبعا انا ما احب اروح مستشفيات …
وسرت اليوم السيتي سنتر عسب ادور مخده طبيه لاسفل الظهر ….لكني ما لقيـــت ….
اذا حد فيكم يعرف وين اقدر الاقي ها المخده الطبيه اللي تيي صغيرونه تحت الظهر ع الكرسي …
او عنده اي حلــــــــول طبيعيه للفكــاك من هذا الآلام الفظيعه والتي بدت تحرمني لذه النـــوم ….
ويــــــــزاكم الله خيـــــر مقدمــــــــــا ……والله لا يبليكم بمكـــــــروه ……
width=400 height=350
اخوي يالقناص العلاج يكلفك مبلغ بسيط
روح عند محل التواير وتشتري تيوب ب 35درهم وعبه هواااا وخله في السيارة
ودور اقرب مسبح وياليت لو يكون في فندق علشان السونا والبخار
ويوم توصل المسبح البس التيوب واعفد في المسبح وحرك ريولك لين ما تشتد عضلات ظهرك
وادعيلي اسال مجرب ولا تسال طبيب
انزين طال عمرج انا اصلن مشترك في فندق وفيه صاله ومسبح وسونا وجاكوزي ..
توني راد من هناك عقب العشا …بس ما احب السونا والجاكوزي وايد …..
سبحت شوي …وعقب مارمت اكمل ……بس يبالي اجرب ها الحركه اللي قلتي عنها …
وفيه تواير موجوده هناك ..تحريتج بتقولين اشتر تواير …وخل حد يدعمك ..خخخخخخخ
سلامات ما تشوف شر
توني اتشكى لامي..اقول لها من رجعت اليوم اسوي رياضة المشي..حاسه بعوار في نص العمود الفقري
قالت من مجابل اللابتوب و يلسة المكتب…
والله ابلشنا…وكراسي الدوام روحها مرض…لا تقدر تتساند عليها عدل و لا تقدر تيلس عدل..
انا ابوي رشيت بودره الفكس مال تايلند على ظهري وبروح احاول ارقد
وبالباجر بتصل في راعية المساج…تمر البيت تفكنا من هالعوار..
اخوي قناص دبي
عليك بالمساج….
وجان تبا مساج…اختك فولك حاضره في الخدمة….
انسدح….واحلى مساج بتواير مشلان خخخخخخخخخخ….يداد التواير بعد خخخخ
اسولف
المهم روح دور لك مكان يسوي مساج او علاج صيني…
خخخخخخ…شو بلاكم انتو اليــــــــوم علي …
كل حد مستغل ظروفي ويالس يقطعني ….هاااااااه ……
ما عليه ما عليه يا ام السماسيم ….تواير ميشلان عيل ….
انتي روحج ظهرج يعورج ….جيه ما تسوين تست على عمرج ..
وعقب تخبريني بالنتائج ..واذا اوكيـــه بييبلج بريجستون ..عسب الشفاء النهائي …
والا اقول ..انتي يبالج قطار دبي يمر على ظهرج ..عسب يعتدل …لوووووول
اخوي يالقناص العلاج يكلفك مبلغ بسيط
روح عند محل التواير وتشتري تيوب ب 35درهم وعبه هواااا وخله في السيارة
ودور اقرب مسبح وياليت لو يكون في فندق علشان السونا والبخار
ويوم توصل المسبح البس التيوب واعفد في المسبح وحرك ريولك لين ما تشتد عضلات ظهرك
وادعيلي اسال مجرب ولا تسال طبيب
اخوي عليك بالحجامة لان آلام الظهر تنقسم الي 3 اقسام
1- أعلى الظهر
2- منتصف الظهر
3- أسفل الظهر
كل قسم له حجامه معينه حسب موضع الألم
ويفضل الي يسويه شخص متمرس ولكن للاسف ما اعرف وين
انا اللي عندي اسفل الظهر …
وانا بعد سمعت عن الحجامه وانها مفيده جدا ..
لكن المشكله تكمن في منو المختص فيها …
مب اي حد يعرف يسوي حجامه ….
ومشكـــوره اختيـــه الدمـــوع النصيحه والتفاعل ….
سلامات وما تشوف شر
انت بس خف الكرشه والامور طيبه
وعليك بلهت ديب في دكان تلااقين 🙂
الله يشافيك ويعافيك يا رب
ماشي كرشه بويه غير زغنــــــــــــونه …..
وشو هذا بلهيت ديب في دكان تلاقين ..اسمين نقعت ابو اللغه العربيه بكبرها ..خخخخخخ
الله يستر منك …..