بـــــعـــد الســـــــلام والـــــــرحمـــــــه ….
واشحـــالكم يا شبــــــــــاب ويا بنات …يا حلوين ويا حلــــــــوات ……
مما لا شك فيــــــه بان النسبه العظمى من الموظفين منكـــــم
ممن يداومـــون في المكـــاتب …وعلى الكراسي والكمبيـــوتر ….
ويقعدوون بالســاعات ….وزين لو يتحركون لو شوي من مكانهم ….
وانــا طبعـــا من هذه الفئـــه اللي رمست عنها …..
والمشكله اللي انا تعرضــت لهــا وبغيت اطرحها لكم …والكل يستفيد ….
الا وهي ..التعـــرض لآلاام الظهر المبـــرحه ..من كثــر اليلسه ع الكرسي …
حيث اني من يومين تقريبا ..وفجأه ودون سابق انذااااار ..حسيت بآلام شديده في الظهر
حتى اني اليوم ما قدرت اركع ولا اسجد ….واحس ان ظهري متيبس ومتصلب ….
ويالس امشي تقول روبوت الكتروني …….والله آلام فضيعه …..
المهم انا بغيت منكم النصيحه شو الحل في ها الحاله …طبعا انا ما احب اروح مستشفيات …
وسرت اليوم السيتي سنتر عسب ادور مخده طبيه لاسفل الظهر ….لكني ما لقيـــت ….
اذا حد فيكم يعرف وين اقدر الاقي ها المخده الطبيه اللي تيي صغيرونه تحت الظهر ع الكرسي …
او عنده اي حلــــــــول طبيعيه للفكــاك من هذا الآلام الفظيعه والتي بدت تحرمني لذه النـــوم ….
ويــــــــزاكم الله خيـــــر مقدمــــــــــا ……والله لا يبليكم بمكـــــــروه ……
width=400 height=350
اختي حبه البروفين ب 600 او ب 500 خطيره جدا ومفعولها كبير جدا ويمكن يكون مفعولها عكسي لانها تضرب بالقلب والله كنت استعملها وايد يوم كانت عندي الالم بالركب من الدوره العسكريه وبعدها نصنحي واحد من الدكاتره اني ما استعملها لانها خطيره وماتستعمل الابوصفه وبنصيحه من الطبيب
والسموحه
يا ســـاتر …..انتو شكلكم تبـــون تقضـــــــون علــي ……..
عاد تضرب بالقلب مره وحـــده ….
وانا اصلا قلبي يا حليله ..روحي مضرووب من الله ….
الوسيم .ابا منك تعهد وتوقيع وبصمات على تصريحاتك هذي …
.
سلامات ما تشوف شر
توني اتشكى لامي..اقول لها من رجعت اليوم اسوي رياضة المشي..حاسه بعوار في نص العمود الفقري
قالت من مجابل اللابتوب و يلسة المكتب…
والله ابلشنا…وكراسي الدوام روحها مرض…لا تقدر تتساند عليها عدل و لا تقدر تيلس عدل..
انا ابوي رشيت بودره الفكس مال تايلند على ظهري وبروح احاول ارقد
وبالباجر بتصل في راعية المساج…تمر البيت تفكنا من هالعوار..
اخوي قناص دبي
عليك بالمساج….
وجان تبا مساج…اختك فولك حاضره في الخدمة….
انسدح….واحلى مساج بتواير مشلان خخخخخخخخخخ….يداد التواير بعد خخخخ
اسولف
المهم روح دور لك مكان يسوي مساج او علاج صيني…
همممممممم انا اقول مافيك شي ويبالك غسال بعصا ياليييييييين يغمى عليك
وعقب بتعرف ان الله حق … ههههههه اللهم لا شماته … شو قتلي فيك مرض اللهم لابتلاء
بس تدري انا اقول لو تسير ويايه البر بوديك العزبه .. تكرم عندي جلب سلوقي بفجه وراك انت اربع وهو بيربع وراك يليييييين المغرب وعقب بردك البيت . بس مب بالسياره طبعا لاااااااا والف لااااااا برط ريلك بحبل والطرف الثاني بالسيارة يليين ماتمشي شرات الضبعه سيده وماتروم تلف يمين ويسار لووووووووووووول ..
احم احم .. بلايه اليوم انا :rofl:
الله يعافيك ويشفيك انصحك سير البحر كل يوم وتسبح اقل شي نص ساعه ..
سامحني على لقصور … ههههههههههههههه عقب شو عاد
خخخخخخخخخخخخخ..اللـــه يقطع ابليس شيطــان عدوينك يا ولد الذين آمنـــو ….
اسميــك ضحكتني ……ومن ضحكت …نقع ظهري ….وزدت الطين بله …..
عيل تربطني انا بحبــــــل يا الشيــبه…..والله انه انتــه يبــالك عصا البيسبول
بربطك بحبــل لين شجره عزبتكم …وبتم اشيطك ..لين تقول كمان وكمان ..خخخخ
ومشكــور مؤخرا ع النصيحه المتأخره …….بعدما عصبت بيي …واثرت عنفواني …
بس احمد ربك اني مصـــاب …والا كـــان طاحت القبايل طاخ وطيخ وطرباااخ ….
اخوي عليك بالحجامة لان آلام الظهر تنقسم الي 3 اقسام
1- أعلى الظهر
2- منتصف الظهر
3- أسفل الظهر
كل قسم له حجامه معينه حسب موضع الألم
ويفضل الي يسويه شخص متمرس ولكن للاسف ما اعرف وين
الله بالخير ياقنـــاص دبي
باجر من الفجر سير المستشفى اعتقد اللي في جميرا (مستشفى الامارات )
والله يعافييييييك
بس انصحك لو شفت ماشي فايده خل كبير المستثمرين يحـــر الميســم ويوسمــك
وانت والخير رباااعه
اللـــه بالنـــور يا قوااااااافي ….
ماباجي شي ع الفجـــر ….ساعتين ثلاث ووصلنا له …….
وانتي ما لقيتي غير المجرم كبير المجــرمين …..
اخـــاف يكسر لي العظام الصاحيه الباجيه ….
عقـــب بغني يا ليل ……..آه يا ليل …..