بـــــعـــد الســـــــلام والـــــــرحمـــــــه ….
واشحـــالكم يا شبــــــــــاب ويا بنات …يا حلوين ويا حلــــــــوات ……
مما لا شك فيــــــه بان النسبه العظمى من الموظفين منكـــــم
ممن يداومـــون في المكـــاتب …وعلى الكراسي والكمبيـــوتر ….
ويقعدوون بالســاعات ….وزين لو يتحركون لو شوي من مكانهم ….
وانــا طبعـــا من هذه الفئـــه اللي رمست عنها …..
والمشكله اللي انا تعرضــت لهــا وبغيت اطرحها لكم …والكل يستفيد ….
الا وهي ..التعـــرض لآلاام الظهر المبـــرحه ..من كثــر اليلسه ع الكرسي …
حيث اني من يومين تقريبا ..وفجأه ودون سابق انذااااار ..حسيت بآلام شديده في الظهر
حتى اني اليوم ما قدرت اركع ولا اسجد ….واحس ان ظهري متيبس ومتصلب ….
ويالس امشي تقول روبوت الكتروني …….والله آلام فضيعه …..
المهم انا بغيت منكم النصيحه شو الحل في ها الحاله …طبعا انا ما احب اروح مستشفيات …
وسرت اليوم السيتي سنتر عسب ادور مخده طبيه لاسفل الظهر ….لكني ما لقيـــت ….
اذا حد فيكم يعرف وين اقدر الاقي ها المخده الطبيه اللي تيي صغيرونه تحت الظهر ع الكرسي …
او عنده اي حلــــــــول طبيعيه للفكــاك من هذا الآلام الفظيعه والتي بدت تحرمني لذه النـــوم ….
ويــــــــزاكم الله خيـــــر مقدمــــــــــا ……والله لا يبليكم بمكـــــــروه ……
width=400 height=350
يت فترة كنت ما اعرف ايلس .. من الدقيقة الثانية ظهري يعورني
لا على كرسي ولا على الارض
تحصلني يالس واتنطط .. والجمعة ما كنت اقدر ايلس
لين احتجمت في ظهري .. بعدها الحمد لله فوق السنة وما عدت احس الالام ولا شي
قال عليه الصلاة والسلام .. شفاء امتي في ثلاث ضربة محجم .. ولعقة عسل .. وكي بنار .. وانهى امتي عن الكي
انا عندي الم مزمن نتيجة عملي في الكمبيوتر
ولكن الحمدلله سويت علاج طبيعي في مركز الخليج الطبي على شارع الخليج العربي / ابو ظبي
دكتور فرنسي الي سواه واعطاني شوية تمارين ما تاخذ 5 دقائق وفعلا اختى كانه سحر، وكل فتره احس بالم اسوي التمارين تختفي الالام، اعتقد كبير مره حط موضوع مع صور متحركة عن تمارين مشابهه للي كنت اسويها
متشوف شر يالقناص دواك عند كبيروووووو
على فكره قناص
انته مره نزلت موضوع وكنت تشتكي من شد عضلي في ريلك على ما اذكر
والحين ظهرك
انا خايفه يكون عندك دسك او انزلاق غضروفي
ما بتخشر شئ اذا سويت اشعة ام ار اي
لان اذا كان عندك ديسك وسويت مساج بيضرك ما بيفيدك
حاليا انصحك بالراحه التامه وفي حال انك ما تقدر تاخذ اجازه
غير حركتك كل ساعه يعني لا تم جالس اكثر من ساعه
ولا تم واقف اكثر من ساعه
خذلك لفه على المكاتب وارجع اجلس
افضل انواع الرياضه السباحه لانها ما تأثر على العظام يعني اي حركه بالغلط ما بتأثر في
فقرات ظهرك او مفاصلك لان الجسم تحت الماي خفيف والماي شالنه مب عظامك
خل بالك من نفسك وطمنا على نتائج الاشعه
مثل ماقتلك روح عين خـــت او امبزره !!!