السلام عليكم ورحمة الله وبركاته ………
أسعد الله أوقاتكم بكل خير …….
شحالكم كلن بحاله
اليوم واحد من ربعي يقول سمع في إذاعة أم القيوين زيادة البترول للمره الثالثة خلال هذا العام ..
من 25و6 على ما أعتقد سعر الجالون الحالي …….. إلى 25و13 للجالون الواحد …….. يعني الضعف
يعني الفورويلات باي باي …… ونسبت الفقراء بتزيد وكل شي بيزيد فوقه
للعلم أن صاحب السمو الشيخ خليفة بن زايد آل نهيان طول الله بعمره أمر بعدم زيادة البترول في محطات أدنوك … يعني هذي الزيادة وين بتكون للأمارات وأيبكو وأينوك فقط ….
مع أنه الأمارات من فتره معادلين بترولهم مع أدنوك بسبب الخساره
أتمنى إللي يعرف شي من هذا الموضوع يفيدنا ………..
وياليت لو تريحوني وتقولون أنه أشاعة لأنه هذا الخبر لايسر لاعدو ولا حبيب
اخوي الاماراتي
دبي غير عن العالم والامارات كلها بلد مختلف عن باقي البلاد
الجو فالامارات حار ورطب وغبار ولا يحتمل
يعني نيويورك والدول الاوربية تروم تمشي فالشارع او انك
تركب دراجة لان الجو عندهم يساعد ويشجع بعد
هني فالامارات السيارة لا بد منها يعني ما تروم تتحرك كيلو واحد من دونها
وبعدين الدوامات ومواقع العمل بعيده عن موقع السكن
تقريبا معدل المسافات الي يقطعها الشخص فالامارات اقل اقل شي20 او 40 كيلو يوميا ومضطر انه يقطعها
لانه عمله وعيشته فالاماكن الي يسرلها
تخيل كيف الواحد يمشي هل المسافة فالصيف
والله يتفحم ويتبخر بعد
وكل بلد وله طبيعة معيشة فيه تميزه عن الثاني
وما تروم تجبر الواحد يغير من طبيعته الي نشأ عليها
وما نقول غير حسبنا الله ونعم الوكيل