زواج المواطنات(دعوة للنقاش)

53 thoughts on “زواج المواطنات(دعوة للنقاش)”

1. باختصاااااااار ……..

   البنت اللي عمرها بين 18_27 …تبا اماااااارااااتي فقط …

   البنت اللي عمرها بين 27-33 .. تبا اماراتي او حتى خليجي ….

   البنت اللي طاف عمرها عن 33 …تبا زوووج يستر عليها والسلام …حتى لو كان من المريخ ….

   كل وحده تحط نفسها في مكان غير مكانها …وبتشوف شو الظروف اللي تعانيها البنت الاخرى ….

   وبعدها تقدر تحكم عليها ………

   ما بطول ………….اظنكم فهمتوا قصدي بدووون ما اعيد وازييد …….:075:

2. أيقول المثل…كلن يأوي على عريشه

3. يا اخوان الشباب يتجهون لغير المواطنات والبنات عدنا عيب انهن يتكلمن او حتى يطالبن بحقوقهن واصلا مالهن لا اراضي سكنيه ولا حتى تجاريه الا عن طريق الزوج او الاب وهذا الخير كله يسير لغيرهن وكل بيت او عايله في الامارات بنات متأخرات في الزواج اشو تعتقدون الحل لا زواج ولا حقوق ماديه واذا اتزوجت الغريب تاخذ جنسيته وعيالها مالم حقوق وفي نفس الوقت الشاب ياخذ حقوقه كامله والكل يعرف انه اللي يعيش في الامارات ما يقدر يعيش في اي بلد ثاني ما بالكم راعية البلاد وين تقدر تعيش لاتعودت على الشقى والبهدله الحل بأيدك يا الشاب الاماراتي حلاة الثوب رقعته منه وفيه لا تتركون بنات بلادكم يعانن انتوا السند هن زوجاتكم وامهاتكم وخواتكم وبناتكم انتوا الشجره اللي تظلل عليهن بارك الله فيكم

4. صعب جداً
   عندنا الحين مشكلة أبناء المواطنات واللي تراكمت من سنين وكل فترة الإعلام يتكلم عن هالقضية وعن معاناة الأبناء ومآسيهم اليومية والسبب زواج المواطنة من الخارج

5. السلام عليكم ورحمة الله وبركاته…

   أخواني وأخواتي

   حبيت أعرف أرائكم في زواج المواطنات من دول مجلس التعاون أو الدول العربية؟

   لكم جزيل الشكر

   حتى لا اخرج عن صلب موضوعج اختي ناس :064:

   بكل اختصار :

   انا اؤيد ذلك و اوافقه … لكن بشروط و ضوابط معينة

   شاكر لج هذا الطرح الراقي

   تقبلي تحياتي العطرة

Comments are closed.