السلام عليكم و رحمة الله و بركاته
من زمان ما نزّلت موضوع فرفوشي. 
احم احم،
طبعا الكل إستلم رساله خاصه من كبير المستثمرين البارحه تشير الى ان المنتدى قيد التعديل. و طالب من الجميع بعض الإعدادات اللازمه. طبعا أنا لا سوّيت تعديلات ولا هم يحزنون. 
سؤالي لكل عضو.
أول ما شفت الرساله يايتنك و المرسل كان كبير المستثمرين. اللي بعمره ما طرش شي مفرح. كله حذف و نقل و تهديد و باند. 
شو كان شعورك وقتها ؟
خصوصا الأعضاء اللي كانوا مسوّين شي و ينتظرون الباند مثل أخونا gtr30000.
بالنسبه لي،
إستانست يوم شفت إن رساله يديده يايتني، بس يوم شفت المرسل كبير،
قلت : “يا فتّاح يا عليم يا رزاق يا كريم“.
ملاحظه،
اللي ما عيبه الموضوع، و عنده كلمه يحس إنه بيتهزأ عليها، فـ في آيكون في المتصفّح اللي عنده، فوق على اليسار، مكتوب عليه “BACK”. وااااايد يمدحون هالآيكون في هالحالات. 
شي طبيعي وتلاقي الخيل الي راكب عليه كبير المدمرين
وأخيراً فتح المنتدى بتستانس Ursoul
تبووون الصدق
أنا أول ماشفت حد مرسل الرساله
فرحت وطرت من الفرحه بعد
هع هع مب مصدق حد يرسلي شي
المهم
يوم شفت المرسل: كبير المستثمرين
قلت في خاطري خير اللهم أجعله خير
أنا شوووووووووو سويت ؟
هع هع هع أخر شي طلعت بريئ ولله الحمد
لا تزعل بس صرت أخاف منك هع هع هع وأنت أطيب منك مافي
مادري ليش نفتح مواضيع مثل هالمواضيع شو الفايده منها ؟؟!!
أيواااااااااااااااا،
ياخي قول جي، فضحتنا ويا الأخوان الأعضاء.
تدري،
أنا قريت هالجمله عالسريع و سيييييييده، حذفت الرساله.
حتى اليوم كنت بقتبس رسالتك يوم كنت أكتب الموضوع، بس تذكّرت إني حاذفنها. << شكله متقاشر عـ عمره، يخبّر بعد.