السلام عليكم..
أنا ناويه آخذ لي سياره عمليه وفي نفس الوقت فيها نوع من الفخامه.. كنت حاطه العين على اودي كيو 7 و استيشن تويوتا و حاليا طوارق و ار اكس لكزس.. فاللي مجرب اي وحده منهن يخبرني شو رايه بالموتر وملاحظته على أعطاله المتكرره و الوكاله..
28 thoughts on “رايكم في سيارة طوارق و لكزس rx 350 للمجربين هالأنواع”
Comments are closed.
ألف شكر للجميع.. على ابداء الرأي والخبره للسيارت اللي بصراحه كونت عندي خلفيه حلوه عن السيارات المذكوره.. ولي عوده مع تجربتي قريبا..
بالتوفيج ان شاالله ..
بشري شووو خذتي من المواتر يا ام سيف …
اختاري لون حلووو … ولا يكون لون عنقاشي …
الاسود حلووو ولككن يغبّر بسرعه
الأبيض حلووو .. بس احس انه مب راكب عالطوارق ..
عليج بالذهبي احس انه هاللون راكب عالطوارق …
……………………….
موفقة باذن الله
بصراحة ماجربت اي موتر من هاييل بس موجودات عند ربعي ودايمن اسير وياهم
الاف اكس … جيدة بس سبورتية وماظن افخم عن مثيلاتها .. تقييمي بشكل عام 8.5 من 10… احلى ميزة الكاميرات الاربعة … وعيبها المكان ورا ضيق شوي وماتصلح لاكثر من 4 اشخاص
اللكزس…. حلوة وفخمة وناعمة عالطريق…. 9 من 10… أحلى ميزة واسعة ومريحة عالطريق والخطوط
الاستيشن…. وااااااسع بس بدون مواصفات… ينفع اذا دايمن تاخذين الاهل وياج يعني سيارة عائلية لا غير..
التقييم 8 من 10
الادوي كيو 7… حلوة واسعة فخمة… رحابتها من رحابة الاستيشن… وفخامتها من فخامة اللكزس … وقوتها من قوة الانفينتي … اقصد الثمانية سلندر… تقييمي 9 من 10… ميزتها السيرفس كونتراكت لل 105 الاف كيلو… واربع كيمرات يعني ماراح تتعبين في الباركنات.. وعيبها اذا تفكرين في بيعتها في القريب العاجل…. وهذا الموقع يشرح لج بالتفصيل عن الاودي تجربة اودي كيو7 — Audi Q7 [الكثير من الصور والفيديوا ] – منتدى الخليج للسيارات
رايي الشخصي… اذا الميزانية تسمح… اخذي الاودي ب 270الف مع السيرفس كونتراكت و الضمان
ف الاخير هذا رايي الشخصي الي ممكن اي واحد يعارضني فيه
“””واختلاف الراي لا يفسد للود قضية”””