السلام عليكم..
أنا ناويه آخذ لي سياره عمليه وفي نفس الوقت فيها نوع من الفخامه.. كنت حاطه العين على اودي كيو 7 و استيشن تويوتا و حاليا طوارق و ار اكس لكزس.. فاللي مجرب اي وحده منهن يخبرني شو رايه بالموتر وملاحظته على أعطاله المتكرره و الوكاله..
28 thoughts on “رايكم في سيارة طوارق و لكزس rx 350 للمجربين هالأنواع”
Comments are closed.
مرحبا أم سيف
لا تتورطين وتاخذين لون أسود لانه يباله عناية ونظافة مستمرة وهالشي أظن صعب عليج وغير جذه اللون الأسود يبهت مع الايام ويتشمخ وسعر السيارة وايد يطيح.
خذيلج لون أبيض ومن الداخل زعفراني ( لون بني أو أسمه لون الخيل)
بالتوفيق
السلام عليكم أختي أم سيف
كيف الحال عساج بخير
أمس قريت موضوعج عن السيارة وحبيت أرد عليه بمشاركتي لأول مرة في منتداكم المميز.
وإذا بعدج ما خذتي سيارة أنصحج تاخذين طوارق 6 سلندر, سيارة ما شاء الله عليها ثابتة ومتينة وقوية وفخمة وشكلها فنان, وسواقتها رائعة وممتعة وفيها مميزات حلوة وايد مثل ميزة الأمان, وغير جذه ما تصرف بترول يعني تمشيج 650 كيلومتر بالفل مالها ( حوالي 120 درهم). ومن فترة خذت وحده بسعر رائع مع ضمان 3 سنوات من غير تحديد الكيلومتر وصيانة مجانية لمدة ثلاث سنوات أو 60 ألف كيلومتر و 3 سنوات خدمة مجانية على الطريق و 3 سنوات ضمان على الصبغ و 12 سنة ضمان ضد الصدأ, مع أنه عندي استيشن وهذي مبركننها في البيت ما سقتها من فترة عقب ما ركبت الطوارق ( مسولها طاف بالقو) هههه.
بعد شو تبين مميزات أحلى عن جذه, والطوارق أعتبرها أحسن عن البورش أو الأودي من ناحية الراحة والصيانة وغير جذه تعطيج برستيج, توكلي على الله وخذيها, وأنا أعتبرها أفضل فورويل أوروبي في العالم وسميتها (الفرس), والسموحة منج ومن الجميع وربي يوفقج.
مشكور يا اخوي بو جاسم على هالراي.. البورش كان اول اختياراتي لكن
حاطين علي مليون يمين اني ما اركب بورش لأسباب لا يمكن ذكرها!
المهم انا استقر رأيي على الطوارق واستخدامها بيكون للدوام فقط يعني بإذن الله ما أعاني من خراباتها اللي سمعت عنهن.. محتاره في لونها لأني أبغي أسود و عيبني درجتين منه في الكاتلوج
السلام عليكم
اختي دامج تفكرين فالطوارق >>> فكري بعد فالبورش !!!! ليش ؟؟؟
لأن البورش و الطوارق نفس المصروف و نفس القطع تقريبا … نحن مجربين اختي .. وترا شي من قطع الطوارق تركب عالبورش … و طبعا أسعار القطع نااار .. على سبيل المثال جامبينات الطوارق الأماميات ب 9000 درهم ..
أنا ما قصدي أخوفج … السياره حلوه … و دام عليها ضمان زين .. بس يبالج تحاسبي ..
مهما تكون قطع الياباني بتكون أرخص عن الألماني … بس الفكره انها تعمّر
لا و الله اركبي بورش .. لو سلق (بدون اس) … افخم عن الطوارق مليون مره .. و يكفي الماركه .. و ترا البورش يبدا من 17500 .. زايد ناقص
هذا رايي و السموحه
الانفنتي مب داشه مزاجي شكلها ماخذ هيكل الفار !!! الحين عزمت على الطوارق.. وبس باقي اختار لونها وارد لهم خبر،..
اللكزس صح انها متطوره واااايد عنها من داخل بس شكلها شوي مب حلو. وقالولي انها قبل نزلت فيها عيوب وبعدين ما اشوفها في الشارع وايد خاصه بالعين و لا نحصلها بالوكاله دايما يعني مب مرغوبه ولا شو سالفتها…