بدش ف الموضوع
بيت العمر تحت الانشاء والحين دور صف السيراميك والرخام…ولكن!!
احترت من وين اخذ ولا شو اختار رخام اسباني او عماني سيراميك اسباني جرانيت…الخ
سرت ولفيت ع الصناعيه ودخلت كذا محل …
الادهم
ارض السيراميك
ناصر
المهند
راس الخيمه
بن حم
فالي مركب من هالمحلات يفيدني…لاني والله متلعوزه..وراسي بينفجر..
وكل احلامي كوابيس..مره احلم انه الدري معنقش..ومره احلم اني اتنازع مع العمال..والميلس مادري شو يصيرله…مسلسل تركي وما بيخلص………………….
فافيدوني الله يخليكم
نوع الحجر الصناعي اللي انا ماخذنه ينحسب بالطول لانه فريمات عرضه 25 سنتيمتر و طوله 80 سنتيمتر طلع علي المتر الطولي 38 درهم بدون النقل لان بيتي في دبي
في انواع ثانيه عندهم تنحسب بالمتر المربع اضني 35 او 25 درهم ( مم متأكد من السعر )
التركيب كان السامان علي و العامل عاطنه 40 عن تركيب كل متر طولي ( كان يخلصلي اشياء ثانيه بعد )
بتحصلين سعر التركيب بين 25 و 80 في السوق حسب اللي بيركب و السامان على منووو
مؤسسة البيت الشرقي للزخرفة وعمل الحجر الصناعي
..::TopStone::..
اما عن سراميك راس الخيمه نوعيته زينه بس يكون من النوع اللي فيه لمعه
لان الناس تشتكي من الانواع الخشنه لانهااا تجمع الوصاخه ( كان راس الخيمه او غيره )
ومن ناحية لبلاستر نسيت اخبرج عن اشياء
قبل ما يسون البلاستر تأكدي انهم مخلصين تركيب علب حديد و موصلين فيهااا بيبات سود لتمديدات الكهرباء علشان ما يرجعون يكسرون البلاستر ( في هذه المرحله تقدرين تحركين فيشات الكهرباء / التلفزيون / الهاتف / انتركوم / الليتات اللي في جدران الغرف )
بين الاعمده و الطابوق لازم يركبون شبك
لازم يسكرون اي فراغات
يخلصون تمديدات المكيفات ( حسب النوع )
اي قطع في الطابوق للتمديدات لازم يكون بالقلندر ( المنشار الكهربائي )
عود معطرر
والله يبالي الف الشارجه الكل يمدح في سيراميكهم…وعن راس الخيمه ابدن ما نصحوني فيه…ويعطيج العافيه ع الرد
بلااااك…الحجر الصناعي !!!
المتر بكم.؟؟؟
والتركيب ع كم؟
ومن ناحية لبلاستر معلومه يديده…ومنكم نستفيد..
تسلم ع اهتمامك بالموضوع…والله يوفقك…
اذا تبين سيراميك للحمامات أو أرضيات للبيت عندج شركة نازوووووو اللي في الشارجة قبل سوق الذهب عنده ديزانيات وتشكيلات حلوووووووه وكله ايطالي واسباني بس غالي شوي
واذا تبين شي رخيص وزين خذي من سيراميك راس الخيمة
الله يوفقك اختي في بيتك و يسعدك يارب العالمين
اذا ابتدوو في البلاستر خليهم يخلطون الاسمنت و الرمل ( لازم يكون منخول ) قبل ما يصبون عليه ماي
و ثاني يوم يبتدون يرشون عليه ماي مرتين في اليوم 3 ايام
بخي الناطور كم بيزه علشان يتوصاااااا في الرش
بعد البلاستر بيبتدي التعب
اختيار الارضيات / الحمامات و اكسسوراتهاا / سويجات الكهرباء / الابواب الداخليه و الخارجيه …. الخ
حاولي انك من اللحين تبتدين تدورين على كل هذه الاشياء لان عندك وقت كافي
ركزي في اختيارك و تنقي شوي شوي و حاولي انك تركبين الالوان من البدايه و حاولي تدخلين كم فله تشوفين الناس شو مسوياااا
و احسن شئ خذي عينات من المحلات و تشاوري كم يوم قبل ما تشترين
مستثمره
مستثمر شرس
يزااااكم الله خير ع الردود…
كله اسود…
الله يسلمك الحين سكرو الطابق الاول والثاني بالطابوق يعني المرحله الي بعدها بتكون لبلاستر على ما اعتقد!
وهو سكن خاص يعني بيت العمر…والتشطيب على حسب الميزانيه..انشالله بيكون متوسط..
اليوم انشالله بسير اتخبر عن الماركات الي ذكرتها…وبجوف الضمانات والتفاصيل …وتسلم ع الافاااده والله يبااااارك فيك…