السلام عليكم ورحمة الله

بصراحة من كم يوم وأنا أجوف هالعمود وأقول شو هالعمود اليديد أمس بالصدفة جفته ضرب فلاش واستغربت من الي جفته جدامي عاد اليوم قلت الا اسير نفس الدرب وقلت بوقف عداله ، ويوم وقفت عداله استغربت وجفت العجب … الرادار الي موجود فالصور هو رادار يديد حطوه في دبي وما يميز الرادر او انا سميته ( مجمع الرادار ) أنه يحتوي على عدد 4 رادارات أي 4 كاميرات في نفس الرادار يعني يصور في اتجاهين او 3 أتجاهات وحسب المطلوب والجديد في الرادار كذلك أنه يستطيع تصوير السيارات والشاحنات وفي اي اتجاه من ا لامام والخلف وبصراحة استغربت وحتى الحين مستغرب لانه مستحيل حد يركز عليه .

في الصور التالية بتجوفون الرادار وهو فالشارع .

جوفوا الصورة الاخيرة وكيف يبين لنا ان الرادار واقسامه الدور الاول لين الدور الرابع في مجمع الرادار … مستقبلا بدال ان يحطون رادارين او 3 يمكن تركيب واحد ويصور في كل الاتجاهات وبخاصة للشوارع التي تحتوي على عدة شوارع في اتجاهات متوازية يعني ينحط في النص .

ركزوا عدل ولا تسرعون !!!

29 thoughts on “رادارات باشكال جديدة في دبي .. انتبهوا ولا تسرعون .(صور)

  1. احسن زين يسوون
    والله انا اشوف الخلق مسرعين ماشاء الله كانه نصهم ضايع
    عنبو امشي 120 الى واحد لاصق وراي يباني اسرع
    احسن
    ان شاء الله تزيد

  2. أغلب الناس ما تنتبه له .. وانا واحد منهم يمكن هو من زمان بس ما كنت انتبه له والشي الثاني شي غيره بعده مقابل الشارع الي فيه الجسر الي يوديك ع برج دبي شكل يديد وغريب بعد … وبعد الرادار الوحيد هذا الي يصور الشاحنات .

    اعرفه وانت ساير صووب دبي مول .. لوووووووووووووووول

    هم حاطيين واحد اظني بس

    __________________

Comments are closed.