السلام عليكم
شحالكم…
ببدأ بموضوعي
الصراحه ذلونا ادنوك
احين من متى خلق الله زادوا رواتبهم ونحن مافي شي
حتى يمكن مافي شي….واسمعت ان الجيش بيزيدونهم مرة ثانيه….مبروكين مقدما
وأدكو واعدينا بالبونس من 3 اشهر
ومافي شي
يا شباب ادعوا لنا….
والحمدلله على كل حال….
ايهييييييييييييييييييييييه يانا هذا يدندن على وتر الوطنية….
عيل موظف معاشه 30 ألف …. ولا يشتغل شرات الخلق….وبعد يبا زيادة ويالس يتحرطم ويولول….
الوطنية……..ليست مجرّد عبارة نرددها وقت الحاجة….
الوطنية إنتمـــاء وعمل وإنتاجية وإخلاص…..وأدنوك هب مسوينها ملجئ !
الهندي بيشتغل عن 5…..من هذيلا اللي يولولووووووووون…..وهو ساكت…وفوق هذا عنده ماجستير.. يعني موظف منتج…..هب هذيلا اللي يكشّون ذبّان طول اليوم … لا…ويبون بونس بعد
اللي بيسمع بيقول الأخ يشتغل Drill
اللي بيشتغل يامرحبا به….واللي مايبا أدنوك ….. الباب يطوّف 60 سكس ويل
قرقر زيادة مانبا
حال المواطن واحد ان كان يعمل في شركاتادنووووك او في اي جهه من حيث الانتاجيه اتكاااالي جدا ويحب كل شي جاهز
انا اتكلم عن الاغلبيه عن حال المواطن
أي حســــــاد ؟؟؟؟؟
أنا مجرّد إنسان واقعي حبتين واعرف…ألاعيب (الشبيبة) وحركاتهم النص كم…..يعني في ذمتك هاتليه دائرة او شركة في العــــــــــــــــــــــــــــــــــالم تعطي واحد عنده إعدادية 25 ألف درهم…وزود…؟
هالحين انتو أونكم تهددون الشركة……….. 100000000000 واحد مستعد يشتغل مكانك
Open the valve & Close the valve….
والباقين يرشرشون من هالـ WD40 ولا يحطون Grease
هذا حدّكم….. أقول لك نحن دافنينه سوى
وحتى يوم تاخذون القراءات ….. ثلاثة ارباعهن كوبي بيست
… إذا هب كلّهن…. وانته بعد شرايك تفنّش وتسير تشتغل في مصنع السماد…ولا حتى التمور تغلّف كراتين 
أنا محامي … أدافع عن الحق…….وبس
الله يحفظ أدنوك ويخلّصها من (العمالة الزائدة)
أشهد أنك أسم على مسمى يا UNBEATABLE…
وأزيدك من الشعر بيت.. ترى اللي يقعد يتشكى ويتذمر ما زادونا وما عطونا ومادري وين يستلمون أكثر عنا ونحن بعيد عن هلنا وما عرف شو.. هم أقل ناس إنتاجية في العمل… ألله يهديهم ويركزون على شغلهم ويودرون عنهم هالسوالف..
.
بعض من كلامك سليم و عجبني الكلام الملون باللون الاحمر
نعم الي مب عاجبنه ياخي استقيل و عط الفرصه لغيرك.
على قولت احد الاخوان لو الفتى البترولي الخبير العالمي استقال فاسعار النفط العالمية بتتأثر بشكل غريب
قولوا الحمدلله