السلام عليكم
شحالكم…
ببدأ بموضوعي
الصراحه ذلونا ادنوك
احين من متى خلق الله زادوا رواتبهم ونحن مافي شي
حتى يمكن مافي شي….واسمعت ان الجيش بيزيدونهم مرة ثانيه….مبروكين مقدما
وأدكو واعدينا بالبونس من 3 اشهر
ومافي شي
يا شباب ادعوا لنا….
والحمدلله على كل حال….
ماشاء الله طلعت الي في قلبك كله..
بقولك شي
وين الخير بيكون فيك
ما دام انته بتفنش ولد بلادك عشان اتيب الهندي يشتغل مكانه
وتقطع رزق ولد بلادك عشان اتيب الغريب…
بقولك كلمه… الله يسامحك على كل كلمه…..
شكلك محامي الشركه وانا ما ادري
بزيدك من الشعر بيت الرقاد بيتم و المهنده بيشلون الشغل و المعاشات ابشربها بتزيد قريب و موت قهر مشكله الحساد
سؤال بريئ لكاتب الموضوع واللي مأيدينه……….
ماشي أسهل عن تقديم إستقالاتكم………….وما اعتقد إنه سعر البترول في الأسواق العالمية بيتأثر
تراكم قذيتونا……….. بعيد عن أهلنا وبعيد عن أهلنا……..اللي مضايقنه هالموضوع يسير يشتغل فبيتهم أحسن له ولنا……….
اللي يمكن……..أقول يمكن….أحس إنهم مظلومين اللي يشتغلون في الرويس…ولا غيرهم ياخذون بدل مناطق نائية الف ينطح ألف…وأوفر تايم….وبعد ألف يرفس ألف………
قرقر زيادة مانبا………….احمدوا ربكم على النعمة……واسكتوا…هب تقولون الحمد لله وعقب تقولون نحن بعيــــــــــــــــــــد عن اهلنا….
اللي من راك يسير يشتغل في راك … واللي من بوظبي يقدم إستقالته ويسير يدوّر له أي وظيفة تأكله.. أدنوك ومجموعة شركاتها هب تجنيد إجباري عشان تيلسون تولولون شرات الـــ ……. ولا ماله داعي
وبعدين هذا اللي يشتكي وهو يداوم في البر…..عيل هذيلا اللي في ابوالبخوش وأم الشيف وغيرهن شوه تباهم يقولون……….
والله خاطريه صدق يفنشونكم في ورقة وحدة … وعقب بتعرفون قدر أدنوك وشركاتها…..
رواتب ماتحلمون ابها……. ثالث إعدادي ويلطم له حول الـ 25 الف….جامعي 35 ..وبعدكم تتشكّون ؟؟؟
وبعدين اللي يشتكي من أدكو…..أدكو شركة دلع إذا قارنتها مع توتال … أو حتى أدما وأدغاز وزادكو …. لاشغلة ولا مشغلة……..حواطة في هالبر…..والمهندة يسوون كل الشغل…..
شفتهم بعيني محّد قال لي
يالسين لنا…..دوامنا طويييييييييييل ودوامنا طويل…اللي بيسمع بيقول تضربون شياول… !!! 3 ساعات رقاد….وثنتين غدا….وثلاث سوالف ودواخة والباقي تمثيل أونكم تشتغلون …. الحركات هذي هب علينا يا شباب .. دحنا دافنينه سوى ..!!
والله….لو أدنوك تبا تداويكم…….بتفنش 50 واحد شراتك وبتستورد 15 هندي مهندس وراضي بنص راتبك..لكن أدنوك شركة وطنية والربحية ماتيي من أولوياتها……
ودية ثانية أسمع واحد منكم يتنطّع ويفك لغبه لايلوم إلا عمره…..
يالله
((معلومه بسيطه … ااذا الواحد فكر من شباب ادنوك يطلع..بيحصل فرصه عمل اسرع عن اي شخص…..واماكن كثيره تباهم…))
يوم بتداوم في شلمبرجير او في شركة خاصة موب وطنيه بتعرف الراحه الي انته فيها في شركات البترول الوطنية
انته ما تقدر تبدي رأيك بأي جهة عمل مالم تداوم في اكثر من مكان علشان تعرف الفرق…..
انتوا ماخذين الموضوع بشكل شخصي … اتمنى انكم تداوموا
في مكان ثاني غير ادنوك ( شركات صيانة ومصانع خاصه)
وصدقني بتعرف كل شيء …
وبعدين على قولك اذا شباب ادنوك مطلوبين في سوق العمل
فهذا شيء زين….بس الواقع يعكس هذا الشيء!!!
مع احترامي لك
كلامك مافيه شي من الصحه (بس إشاعات)
يعني انت جذاب