ذلونا ذل أدنوك….وأدكو

63 thoughts on “ذلونا ذل أدنوك….وأدكو”

1. gtr30000

   نصيحه يخوي لا ترد على اليهال

2. شوف يا طويل العمر………سالفة 3 سنين عقب الإعدادية هذي قولها لحد غير اخوك….

   اصلا شعار المعهد لم ولن يسقط أحد

   ———-

   يقولون التكرار يعلّم

   (أدنوك ليست تجنيدا إلزاميا)……يعني اللي بيحمد ربه وبيشتغل يامرحبا به واللي يفكّر عمره فلتة زمانه يقدّم اوراقه لجهاز ابوظبي للإستثمار أو للديوان
   عفوا يعني تراك وايد فرحان بسالفة ثانوية صناعية…..اللي بيسمعك بيقول جراحة مخ وأعصاب

   بغض النظر عن نوعية الشهاده فكر ف الوقت اللي انقضى 3 سنوات وانت قلت اعداديه فأنا حبيت اصحح للمتلقى المعلومه الخطأ

   يعني واحد شاف كتابتك خلص الاعداديه بعمر ال 15 وسار يقدم في ادكو او في جاسكو هههه بيقولون له وين يا ابو الشباب بيقول شفت فلان اسمه ان بيت ابل قال ههههه بس زين بيشوف سطوري اللي قلتها ولن يرتكب هالخطأ

   بنقووووووووووو

   __________________

3. أنا كنت أستلم 11000 ألف تقريبا عسكري وولد عمي تخرج من أدنوك استلم 14000 ألف أكثر عني بعده يمكن سنه الى سنتين سألته قالي راتبي 20000 ألف و أنا زاد راتبي ألف درهم تقريبا وصل 12000 ألف قتله ماشالله طرت علي أنا زيادتي في السنه 125 درهم و شهر 10 الي طاف زادو أدنوك في السكن دبل كان يستلم 4000 الحين 8000 ووصل راتبه بحدود ال 24000 ألف انزين شباب بدون زعل أدنوك شهر 10 زادت السكن دبل يعني حصلتوا زياده من 4000 الى 5000 درهم الدوائر الاتحاديه حصلوا زياده من 2000 الى 3000 و بعدكم تطالبون بزياده هذا شي عجيب و غريب صراحة و أما عن سالفة انكم بعيدين عن أهلكم ومغتربين في الجزر بعد فيه عسريين يداومون في جزر شرات أدنوك وبعيدين عن أهلهم و كانت زيادتهم في الجزر ( 500 درهم فقط ) شباب أدنوك الثانويه العامه في دواير بوظبي المحليه 18000 ألف ثانويه عامه في أدنوك 25000 ألف يعني بعدكم أكثر عنهم و تطالبون بزياده يا أخوان لا تفهمون كلامي غلط بس انتوا تبون توصلون الى رواتب خياليه و الشخص الي يقول اعداديه في الجيش يساوي راتب المهندس أقوله انت كذبت اعداديه تساوي جندي تساوي 15000 والمهندس في ادنوك من 35000 الى 40000 فرق السما والأرض بين الاثنينه أرجوا انكم ما تزعلون من كلامي بس هذا الواقع

4. الصراحة أشوف في ردود مالها أي داعي ومادري هل السالفة سالفة استعراض عضلات ولا شو

   الي يقول إن الناس الي تطالب بالزيادة هي ناس ما تشتغل وما تخلص في الدوام، أقول ما ينبغي التعميم وأمر طبيعي في أي مؤسسة بالدولة تجد ناس يعني ماخذة راحتها في الدوام

   وفي المقابل يمكن صاحب الموضوع خانه التعبير وعنوانه ما كان مناسب وكان الأفضل انتقاء تعبير أفضل

   مع العلم إني ما أشتغل في ادنوك، بس الصراحة حصلت عرض من أدكو من فترة جريبة والراتب أقل من العروض الي حصلتها في أماكن ثانية

   إن شاء الله تحصلون زيادة حلوة وبالتوفيق للجميع

5. سؤال

   حاليا المهندس الجامعي على اي درجة يتعين ؟
   وكم راتبه ؟

Comments are closed.