دعوه لمقاطعة محلات العبي!!

41 thoughts on “دعوه لمقاطعة محلات العبي!!”

1. اختي بنت السلطان …

   اولا الحمد لله على العوده بغد فترة انقطاع حرمتينا من مواضيعك الحلوه

   ثانيا اهل مكه او العبي (الحريم) ادرى بامورها والغلاء فيها مثل اللي صاير على الشغلات الثانيه

   كلامك في محله انه اخواننا مب لاقيين قوت يومهم ونحن نضع 5 و 6 الآف بعبايه او بدله هذا فعلا اسراف

   ولي هنا مداخلتيين بالنسبه لزيادة الاسعار فهي مبرره لان الديزل غلى سعره (لنقل البضائع) والايجارات غلت والقماش نفس الشيء فموضوع انه الزيادة فهي مبرره

   ولكن (النقطه الثانيه) انه الغلاء يكون بهذي الدرجه فهو غير مستساغ ولو قاطعناها لوجدت انهم بيرخصون الاسعار .. اما موضوع الماركات فانا اتفق معاك وانا ممن لا يدفعون بالماركات

   مشكووره

2. والله كل واحد يمد ريوله على قد لحافه

3. البنات هبلات

   عنبوة عباة ب 5000 درهم

   يوم التاجر بيحصل شراي اكيد بيبع ان شاء الله ب 100 الف بعد

   مدام انة ربحان ماعندة مشكلة

4. 

   اسمحولي أن أعلق تعليق بسيط

   يا اخوان الصراحه محلات العبي أو أي من المحلات

   يحق لها الزياده

   هيه يحق لهم الزياده

   لانه في ناس ما تعرف النعمه يجي للمحل يقله الهندي بــ 60000 درهم وهي لا تسوى 600 درهم يجي ذاك ويدفع عسب يتكشخ

   الهندي يشوف اللعبه مشت على هذا ليش ما يمشيها على بقيه

   نحن مب لازم نقاطع المحلات ، لا لازم نقاطع من ما يعرف لنعمه أساس والفلوس مكان ، والي يدفع عسب الناس تقول وتتكلم عليه

   والله ورى القصد

   دمتم بود

   

5. شكرا على الموضوع المهم

   بس انا ما أؤيد فكرة المقاطعة اختي بنت السلطان

   يعني الاسعار اللي ذكرتيها اكيد عند البنات المواطنات

   و الكثير منهم كان يبيع بهاي الاسعار من سنة او سنتين

   لكن الحريم شو يحدهم يرحون لهم ؟!!!!!!

   بصراحه محد كبر راسهم غير الحريم

   يعني لو ما كانوا يفصلون اول بالف والفين ما راح يغلون

   لأنه في بنات كثير ما زالوا يفصلون بهاي السعر وهو طبعا كيفيهم يمكن لهم المقدرة ومش مطلوب منا نحن نقاطعهم

   لانه في الكثير من المحلات الاخرى اللي تبيع طقم العبايه بسعر ما يتعدى 500

   تقدرون تروحون لهم

   وخصوصا في سوق العبايات البديل كثيييييييير جدا

   بس اللي يدور السمعة و فصلت عند فلانة ولا محل فلانة تتحمل و تدفع

Comments are closed.