دائرة التخطيط والمساحة في الشارقة

45 thoughts on “دائرة التخطيط والمساحة في الشارقة”

1. الله يعيننا على هالسوالف اللي ما قادرين ندور لها حل
   صراحة هالموضوع مثير للشفقة واتمنى الكل يشارك واتمنى ايضا من الادارة تثبيت الموضوع وذلك للأهمية وحتى لو بتغيير العنوان إلى ( مشكلة الدوائر الحكومية وهموم الناس )

   =============================
   على كل حال انا اعتقد اللي يبون يمشونه بيمشونه بأي طريقة
   ما بقول دائرة التخطيط لاني سمعت كلام الشباب اللي فوق وكفوا ووفوا وما قصروا
   عاد هالكلام ما ينقال بس شو اسوي عشان اوضح لكم شئ بس صراحة كنت امر في ظروف مالية ضيقة جدا جدا بحيث حتى ما كنت قادر اوفر مصروف بيتي اقل شئ
   ورااجعت ـ الجمعية الخيرية بالشارقة ـ حتى قلت لهم انا ما احب هالسوالف ولا احب اطلب من حد واطلب من رب العالمين ولكن الظروف هالمرة كانت قاسية وادت بي إلى جمعيتكم الموقرة
   وخذيت وياية كل الاوراق والدلايل التي تدل على صدق كلامي ومشكلتي اللي احتمال توقعني في السجن لا سمح الله ـ
   صراحة قالوا خل الاوراق ونحن بنعرض الاوراق على اللجنة ونخبرك ومرت الايام يا جماعة شو السالفة خلاص ردوا علية اذا في شئ ولا لا ؟
   بعدعدة اتصالات ومراجعتي لهم مرة الثانية قالوا لي انك ما تستحق المساعدة . قلت بس ساعدوني في هالموضوع وانا ما ا بغي شئ لا مساعدة شهرية ولا شئ بس انقذوني من هالمشكلة قالو خلاص المدير قايل ما يصير ،،، صراحة من الضيق اللي كان فيني شفت المدير وكلمته قال : اسمح لي انت ما تستحق ، قلت في ظل تقديمي كل هالاوراق والشيكات وكل ما تشوف يدامك ؟
   قال في غيرك ما عندهم اكل ياكلون وقلت في ناس رواتبهم فوق بمجرد فاتورة كهرباء او شئ تدفعون لهم قال منوه قال ؟ قلت خله على الله .
   العموم قلت له انت يالس تشوف موضوعي كيف صعب وما تقدر تساعدني ومن جيب الحكومة بعد ؟ احتمال ادخل السجن والسبب هالالتزامات المالية ؟
   قاللي ادخل السجن شو فيه يعني ؟؟؟؟؟؟؟
   شو تحكمون على هالكلام ؟

   والله ثم والله ثم والله شفت واحد كان يالس هناك وتعرف علية خلال اول زيارة لي هناك قال المدير وايد طيب وانا كلمته وبدون ما اعطيه اي اوراق ساعدني وما بيقصر وياك والله كان فيني القهر اقوله كيف دفعت هالاموال حق الريال بمجرد معرفتك له وما قدرت تساعدني

   صراحة نحن بحاجة لضبط الامور بأسرع وقت ممكن
   والسموحة على الاطالة

2. السلام عليكم ..

   أشكر جميع الأخوان على التفاعل .. فعلا موضوع الأراضي في الشارقة محير جداً والله المستعان …

   شوه رايكم نحاول نكثف جهودنا أشوي .. ونحاول نستضيف واحد عنده ضمير وأخلاص ويرد على أسألتنا .. لأن والله تهنا في هذه الدائرة وأخص هذا القسم …

3. انا سمعت ان الارض اللي ما تنبنى خلال سنه تنسحب من صاحبها
   وعندما يكون جاد ويبا يبني تنصرف له ارض
   يعني كيف تبون يقدمون خدمات وبنيه تحتيه بدون تخطيط
   يعني مناطق مبناي فيها 10 بيوت ومناطق اخرى 20 بيت
   وهاذيلا ما يبون خدمات وشوارع وكهرباء
   لهذا السبب وللاراض والمساحات الشاسعه الغير مبنيه
   استصدر قرار السحب
   يعني الناس يبون يحجزون اراضي للمستقبل وشو ذنب الي جاهز ويبا يبني !!!!

4. سلام عليكم
   يا جماعة الخير نحن ما نطلع عيوبنا للغير
   لكن اسمعوا جميع الاذاعات كل الناس تشتكي من خدمات فالشارجة من جميع النةواحي
   والله اني اغير على امارتي اكثر من كل شي وادافع عنها في كل مكان
   بخبركم سالفة واحد قريب مني
   الريال ابوه طلعلي ارض عند ارضه حق المستقبل
   ومرت الايام والابو ماشاء الله عليه علاقات مع كل الناس سمع بالصدفة انهم يبونيشلون ارض ولده
   والقهر هالشخص من الهوامير لكن ربك ما يضرب بعصا
   الريال على طول سواله اساسات للفيلا علشان محد يشله

5. والله نفس المشكله ووين انفريت في سيوح 6 بعد ماكنت في النوف

Comments are closed.