السلام عليكم ورحمة الله وبركاتة
شحالك يالربع عساك بخير وسهالة
بدخل بالموضوع على طول
انا قررت اني اييب موتر من برع … ويلست هالفترة اقرا مواضيع وادش مواقع واستفسر وماخليت شي
لاكني بعدني فحيرة من امري
عندكم مثال موقع exporttrader
شوه رايكم فيه … اتمنى من مَن تعامل ويا هالموقع يقولنا شو تجربتة ؟؟
وهل هم مضمونين والضامن الله سبحانة وتعالى
وعندكم مواقع اخرة من مثل :
copart.com
autotrader.com
cars.com
auctionexport.com
الي شفتة من هالمواقع انصدمت الصراحة …
لانة اغلب الاسعار شرات الاسعار لي عندنا فالدولة وفوق هذا مرات يوم بتحسب قيمة الشحن والتكاليف بيظهر عليك الموتر اغلى
مع اني ظهرت بطاقة Prepaid card من بنك ابوظبي الوطني
وسويت حساب بالباي بال .. ورتبنا الامور
فما اعرف شسالفة الصراحة ؟؟
طبعا ً بتقولون لي شوه الي كادنك تاخذ من برع وتلعوز عمرك ..
تبون الصدق ملينا يا جماعة الخير من النصب لي عندنا وللصبر حدود
والمشكلة يوم اسمع انه حد يايب موتر من برع برخص واجوف الاسعار انصدم ..
فياليت فزعتكم وتدلونا على الطريج الصحيح وكيف نييب موتر من برع بطريقة مضمونة وبسعر معقول
واتمنى لي خاض هالمواضع وله تجارب يخربنا عسبة نعرف ونتحذر … واتمنى انه يكون الشرح بالتفصيل
والسموحة طولنا عليكم
انا البارحه كنت في معارض العوير وكنت واقف اغسل موتري واتريا الدور ياني واحد لبناني عنده رنج اسبورت وارد امريكا 2010 وابصراحه شكل الموتر عجييب لونه اسود والموتر مستعمل بس والله شكله توه ظاهر من الوكاله من لمعته
اخوي الاسعار فالازمه العالميه نزلت بشكل كبير يعني الناس يمكن حتى كانت تشتري السياره بقريب من نص السعر
لكن الحين طلعو من الازمه فصار عندهم توازن وبدو يرفعون الاسعار ويردونهن شرات قبل
انا من فتره كنت ابغي الكامري اليديد قالي ريال ساكن فأمريكا مافي فالامارات شرات هالنوع وكلمته عقبها بكم شهر
قالي الاسعار ارتفعت وايد والسياره غلت فما انصحك تاخذ خلاص !
10 آلاف عالأقل وفرتهم حق التصليح ..ولا كنت بتدفع 10 آلاف غير اللي راحوا على سعر السيارة الخليجية
افااااااااااااااا …
شكلة الشباب ما يبون يكشفون عن مخططاتهم
وين مشاركاتكم يا شباب وين اصحاب الخبرات … نبا حد ياب موتر من برع .. وتسهلت الامور له
في انتظاركم