السلام عليكم ورحمة الله وبركاااله
اشحاالكم الغاالين << اصحاب الـ G55 وغيره كلكم على العين والرااس بس لا تصدقوون انكم مطلوبين للعدااله << ترااني اسولف ويااكم << الابساامه في وجه اخيك المسلم صدقه المهم الحمد لله الله رزقنا بمرسدس << اخويه اشترااه بس موديل 2007 .. << الشكل الجديم والعدادات الشكل الجديم فحبيت اعرف شو من الاشيااء الي انبدلها علشان اتبين 2009 من برع و دااخل << العدادات نقدر انبدلها بالشكل اليديد و حد جرب شغل الوكاااله .. وتركيب الجلد << جلد لون ابيض شراايكم << شغل وكااله على كم تقريبا الرنقات وما ادراك ما الرنقاات << اكيد سعرها في الوكااله ناار << وين بلقاها برع اصليه وسعرهاا زين وان شااء الله لو شي في خااطري بقول لكم << واتمنى اني ما ثجلت عليكم بالهذره الزااايده دمتم بود
على طاري فرق السعر بين كوجاك وبين الوكاله … تراك اتشوفه وايد …بس في الاصل الحسبه كالآتي ..
كوجاك يبيع لك الرنجات مثلا بنفس سعر الوكاله بس مع خصم يوصل لـ 40% .. بما ان في الوكاله يوم تتصل وتسألهم يعطونك السعر الاصلي ..اللي يمكن يكون وايد اعلى ..بس من تروح بنفسك لقسم قطع الغيار ( انا اتكلم عن وكالة بوظبي وعن تجربه شخصيه) وتقول له انك حصلت القطعه الفلانيه وخل نقول الرنجات برّع بالسعر الفلاني … اللي عطاك اياه كوجاك او غيره … يعطونك اياه بنفس الخصم واللي هو 40% اذا ما خاب ظني …
بس ميزة كوجاك يكون عنده ستوك جاهز حق قطع الايه ام جيه … بينما الوكاله ممكن تتريا اسبوعين لين يطلبونهن..
وفي انه يشتري عنك سامانك الاولي .. بس انا احس انه يبخسك سعرهن ..ولو تحطهن في البيت او تعطيهن حق حد تعرفه … احسن من ما انك تبيعهن ب 1000 او 2000 … مثل ما قال اخوي بومطر
كلام الأخ صح 100%، صارت ويا واحد من الربع وصفر العداد عنده، لازم تتأكد قبل لا تبدله.
وعندك السكان تقدر تركب مال الcls لأنه نفس سكان الG 2009 بتحصل من السكراب وسعره ويا الايرباق ماله ما يتعدى ال2000 لأنك اذا بتاخذه من الوكاله بيكلفك وايد.
الرنجات بيكلفن حدود ال11,000، وأحسن تواير لهن الDunlop قياسهن R19 275/55 ومكتوب عليهن MO يعني Mercedes Only ويكلفن حدود ال6500. ما أنصحك تسير عند كوجك لأنه بيحسبلك توايرك ورنقاتك ب2000 بالكثير ويرد يبيعهن على 6000 و 7000، كل شي يسويه كوجك انته تقدر تسويه بروحك بدون مايلعب عليك. يعني مثلا الشبك يحسبلك اياه ب3800 وهو شبك G 500 ويركبله جلاد كروم عند Different Car وهذا من حرارة المكينه بسرعه يتقشر والكروم مالهم أصلا مب شي. وسعر الشبك من الوكاله مال G55 ب2800 وما عليك الا تصبغه وتركبه في 10 دقايق.
__________________
بالتوفيييييييييق
اخوي بتواجهك مشكله في تبديل العدادات ..
ان العداد بيصفّر .. ويستوي عالزيرو ..يعني في امكانيه ان الضمان يروح لو سويته برع الوكاله …
ياليت تتأكد من هالشي في موضوع العداد قبل لا تبدله ..
هذا على حسب علمي ..
والسموحه