السلام عليكم ورحمة الله وبركاته
لكل من لديه الخبره الكافية والشافية ل اشعال الفحم
أبي اعرف شو الطريقة الصحيحة لاشعال الفحم ( تورية الضو بالفحم ) 
لأن كانت عندنا حفلة شواء وشويت أمس والاكل عليه العوض كان محترق من برا ومب مستوي وايد من داخل … أي إن اللهب حرق الاكل بدون طياب
يعني تعرفون لما النار اتكون شابه تحرق … ولما اتهدي تنطفي
ما عرفت اوازنها
وعندي مشكلة ان الفحم ما يجمر بسرعة .. اتم اهوي عليه ساعة وأكثر وبعده راقد 
ما ادري هو من الفحم
ولا من قلة الخبرة 
افيدونا …
ها اختي شو اخبار الفحـــــــــــم ؟؟؟ شويتي ولأ بعد ؟
شوي عجيب
انا خبير في اكل اللحم المشوي ……فما اظن اقدر اساعدك
طريقة عجيبة ومجربة وفعالة 100%
و أنا من عندي أقول
علشان لا تتهبين من التمروح
هاتي لك أي علبة حديد كبيرة (حليب – عصير تانق……أي شي)
و أفتحيها من الطرف الثاني يعني خليها مفتوحة زي الماسوره و حطيها فوق الفحم لما تشبينه
هذي تشتغل ولاعه (تسوي تحريك للهواء)
بعدها خلي الفحم يشب براحته و أنتي تتخايلين