السلام عليكم ورحمة الله وبركاته
لكل من لديه الخبره الكافية والشافية ل اشعال الفحم
أبي اعرف شو الطريقة الصحيحة لاشعال الفحم ( تورية الضو بالفحم ) 
لأن كانت عندنا حفلة شواء وشويت أمس والاكل عليه العوض كان محترق من برا ومب مستوي وايد من داخل … أي إن اللهب حرق الاكل بدون طياب
يعني تعرفون لما النار اتكون شابه تحرق … ولما اتهدي تنطفي
ما عرفت اوازنها
وعندي مشكلة ان الفحم ما يجمر بسرعة .. اتم اهوي عليه ساعة وأكثر وبعده راقد 
ما ادري هو من الفحم
ولا من قلة الخبرة 
افيدونا …
المهم في الموضوع هو نوعيه الفحم يكون سميك ومن النوع الكبير يعني ما ينفع الفحم الصغير لانه يحترق بسرعه..كل محلات التجزئه والسوبر ماركت عنهم ..واللي في كارفور مجرب وجيد…ثانيا كثري من الفحم عشان يشب اطول فتره ممكنه وما يبرد بسرعه. لم تشبين الضو انتظري واشوي اللحم علي الفحم..مب علي النار..
تمنياتي لج بشواء طيب مع تحيات مطبخ راعي الموده
ولا شكر على واجب اختي الكريمة
الواحد يقدم المساعدة لي يقدر عليها لوجه الله وكلنا نحتاج لمساعدة من الغير
تحيتي واتمنالج حفلة شواء ناجحة و مميزة
اختي اعتقد ان المشكلة في الفحم نفسه
في قطع فحم فعلا غريبة، تنطفي روحها وانا جربتها حتى يوم ادّخن، انصحج بإختار احسن انواع الفحم و تأكدي ماراح ينطفي يوم تحطين اللحم عليه، واذا تبين تعرفين ان الفحم نوعيته جيدة، يوم يتحول جمر حاولي تكسرينه واذا لقيتيه شاب من داخل و الضو مولع واحمر، هذا هو الفحم اللي ينفع للشوي وماراح ينطفي بسهولة
اخوي مصمم انا بغير الفحم وبجرب من جديد هالطريقة مع انها مشابهه للي استخدمها
وبقولك عالنتيجة
شاكرة لك من الاعماق
مسموح بالحل
انا قدت الفحم قبلها بساعتين وكنت استخدم المروحة مع الكاز لاشعاله
ولكن باءت كل الطرق بالفشل
يوقد الفحم واول ما احط اللحم ينطفي ……… مشكلة عويصة
السموحة جان ثقلت عليكم