السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
ادعي الله
واستعفري
الله عزوجل اللي قادر يطلعج من ها المحنه ،،،،
وان ضاقت وضاقت وضاقت في النهاية بتفرج وان شاء الله بتاخذين حقج
اهم شي نتعلم من غلطنا ،،، يعني مستحيل اعطي اي انسان مرة ثانية بدون ضمانات و شهود
للاسف في ناس ما عندها خوف من الله ،،،
__________________
الله يكون في عيونج …. وان شالله فلوسج بتردد لج
الله يعينج
احتسبي عند الله
واذا الحرمة حلفت على القرأن خذيها مني والله العظيم انها نابتعين خير وبتوصل لين بيتج تطلب السموحة منج
وبتذكرين كلامي
لاتحطي محامي ولا شي
عندج افضل من يدافع عنج
بس قولي
حسبي الله ونعم الوكيل
وكلي الله بموضوعج والله مابيخيب ضنج ان شاء الله
الله يعينج ويصبررررررررررررج…
وعلييييييج بقيام الليل والدعاء فييييه..
عن أبي هريرة رضي الله عنه أن رسول الله صلى الله عليه وسلم قال: “ينزل ربنا تبارك وتعالى كل ليلة إلى السماء الدنيا, حين يبقى ثلث الليل الآخر فيقول: من يدعوني فأستجيب له, من يسألني فأعطيه, من يستغفرني فأغفر له” (رواه البخاري ومسلم)
لا تسألنَّ بني آدم حاجـــة وسل الذي أبوابه لا تحـــجب ..
الله يغضب إن تركت سؤاله وبني آدم حين يُسأل يغضب .
وما يضيييع حق وراه مطالب.