السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
اختي ام غلا
الله يصبرك على بلواك لان المال عديل الروح اهم شيئ الصحه لان السكر هذا بيته يدخل من باب الحره , ناهيك عن القلب
لاسمح الله . ذكرتيني بواحد عملت معاه مصنع ثلاجات بالشارقه ب 500 الف كل ماجيت من الكويت اشوفه يشتغل
ويوديني ابن الحلال لكم سوبر ماركت قد وزع ثلاجه اليه , زعل مع ربعه علموني بالحقيقه المره لا انتاج يذكر
ولا جوده والفلوس صدرها لدولته لحظه معرفتي للخبر تبون الصراحه بقيت اطيح من القهر , وفي لمح البصر تذكرت الله
وقدرته وان اجمع قواي , جيتته من الباب الي يحبه وهو الطمع وبفكره خذيت منه شيك 500 الف واقنعته ان مشروعنا
محتاج حولى المليون والنصف وانا جاهز للدفع , بعد يوم قلت له ان اخوي محتاج 200 الف للغذائيه ومحتاج المبلغ بعد يومين وبالفعل محتاج
دبر المبلغ على ان يهبش الواحد ونص .
اخذت ال 200 الف وفي نفس الوقت رفعت عيله دعوه, سجن ولم يدفع وخرج بكفاله وهو ممنوع من السفر .
للاسف سافر .؟
اقول الزم ماعليك صحتك والدعاء عليك بالعوض وعليها بالتلف
هذه القصه حقيقيه اسردها للاستفاده
ا
تأكدي اختي ان الله بيكون معاج وأعطاج دعوة مستجابة لا اتفرطين فيها
وصدقيني ما راح تتهنا هالحرمة بفلوسج لان الله ما يبارك في المال الحرام
”
ان الله لا يهدي كيد الخائنين ”الايام بتمر وبتشوفين حقج جدامج بس اصبري واحتسبي وربج يفرج همج اختي
طمنيني عليج بليز
” إياكم ودعوة المظلوم فإنه ليس بينها وبين الله حجاب “
عليك بالدعاااااااااااااااء …
وكما هو معروف فإن دعوة المظلوم مستجابة عند الله ولو كان فاسقا فاجرا لأن الظلم شيء كبير وحرّمه الله على نفسه قبل أن يحرّمه على عباده …
لكن الساكت عن الحق شيطان اخرس
__________________
حسبى الله و نعم الوكيل على كل ظالم
حسبى الله و نعم الوكيل على كل ظالم
حسبى الله و نعم الوكيل على كل ظالم