السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
يارب يسر لك طريق النور ويرجع لك حقك
واذا اعانتك قدرتك على ظلم الناس تذكر قدرة الله عليك
وانا بعد يا سيما صار فيني نفس الشي من وحدة من اربيعاتي طلبت مني سلف انا استحيت على طول عطيتها لانها اول مره تطلبني ولانها محتاجتها بازمه فحبيت اساعدها بس الله يسامحها شو سوت سارت وغيرت رقمها وقطعت علاقتها فيني
الحركه اللي سوتها مول ما عيبتني جان قالت ما عندي والله اني بسامحها
بس اتغير رقمها والله عيب
مع اني ادل بيتهم وأقدر أفضحها واخبر أهلها بس انا ما احب
وكلت أمري لربي وان شالله ربي بياخذ لي حقي منها
والمال الحرام مايدوم لصحابه
لا حول و لا قوة الا بالله،،، صار فيني نفس موقفك ،، بس المبلغ اقل ،، و التفاصيل نفسها
اخر شي احتسبت عند رب العالمين ،، و قلت الحمدلله انها كانت في الفلوس ما كانت في شي اكبر
الحمدلله على كل حال ،،، قوليها و شوفي كيف نفسيتك راح تتغير
و لا تفكري في كلامها كتير ،، ما دام اكلت المال الحرام ،، كل شي بيطلع منها
ثانيا : تدعين عليها بهدف شو ؟ تبردين حرتج ؟ وكلي رب العالمين عليها مثل ماقالوا الاخوه والاخوات
وانسيها هيه كظالمة لج ..
وركزي على طريقة استعادة المبلغ بطريقة عملية واقعية
الله يعينج فديتج
عورتي قلبي ..
لا حول ولا قوة الا بالله ..