السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
صدقيني بس ادعي عليها وقولي حسبي الله عليه ونعم الوكيل في كل صلاتج
وان شالله ربج بينتقم منها
وعليج بقيام الليل واشكي لربج وان شاء الله ربج بيفرج همج
يلا نشي صلي ركعتين ربج بيهدي بالج وبترتاحين شوي
الفلوس ممكن تتعوض بس الصحة ما تتعوض
الله يكووت في عوونج يا اختية……… و الانساان يتعلم من هااي الاخطاااء
قال الله تعالى:
” إنما يوفى الصابرون أجرهم بغير حساب “لاحول ولا قوة إلا بالله … الله يعطيك الصبر وأسأله تعالى أن يفرج عليك عاجلا غير آجل …
حطي في بالج انج مظلومة
وحقج بيرجع لج
اليوم او باجر او حتى لو تاخر
الله بيعووضج بأشيا ماتخيلينها
ماضاقت اختي إلا فررجت
وهذا امتحان وكربه وادعو الله انه يصبرج ويفرج كربتج
وان شالله يطلع الحق
أختي العزيـزة
إذآ مـآ خذتـي حقج فآلدنيـآ رآح تـآخذينه فالـآخرة بإذن الله تعآلى امـآم الله عزوجـل في يومـ الحسـآب
نـآس نفوسهمـ اضعيفة همهمـ الفلوس و متآع الدنيآ و نسوآ الـآخرة
لـآ حول و لـآ قوة إلـآ بآلله