السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
لا حول ولا قوة الا بالله
لا حول ولا قوة الا بالله
و الظلم عايشه الكثير
اخر قصه كانت لي بأول قضيه وان شاء الله اخر قضيه في احد القضايا
لما رأيت من العجب العجاب
شكرت الله انه جعلني مظلوما وليس ظالما
والعاقبه لك اختي ولنا ولكل مظلوم بالخير ان شاء الله
الله ايكون بعونج وايصبرج على مابلاج عليج بالصلاة وكثرة الاستغفار وربي مايضرب بعصا وكلي امرج لرب العباد
أختي بصراحة لو مكانج بحس بنفس الشعور
لكن مثل ما قالوا الاخوان عليج بالدعاء و الاستغفار و اتذكري شي مهم إن حقج لا تسكتين عنه
عليج اختي على قيام الليل و المواضبة على قرائة سورة البقرة.