السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
أشكرك كل اخواني اللي دشوا موضوعي و دعولي..و اشكر كل اللي تواصلوا وياي ع الخاص..بصراحه مع اني مصدومة بلي صار الا اني حسيت ان الدنيا بعدها بخير و انه في ناس قلوبها بيضا و طيبة مثل قلوبكم..حتى انه في ناس طرشتلي ع الخاص انهم سايرين الحج و بيدعون لي بإذن الله..و الله العظيم مب عارفة شكثر اشكركم..
قصصكم و تجاربكم اللي مريتوا فيها حسستني اني مب الوحيده اللي انصب عليي و كل شي قضاء و قدر..ذكر تجاربكم ريحني وايد..لاني فعلا حاسه اني غبيه غبيه غبيه..مسألة تعذيب الضمير وايد متعبتني بس يوم افكر فيها و بكلامكم اقول فعلا كل شي زايل و انا ليش اغصص بعمري لان فوق اللي خسرته بخسر صحتي لاني فعلا حاسه ان صحتي قاعده تتدهور من بدت هالسالفة..بس بالآخر انا انسانه و مب بيدي اتحكم بمشاعري..و ان شاء الله شدة و تزول بفضل الله و بفضل دعائكم…
حبيت اوضح لكم انه الحرمه محبوسه و الحين آخر مراحل القضية و بتثبت عليها التهمة ان شاء الله بالنصب و الاحتيال و انا مب الوحيدة اللي ماخذه بيزاتي في بعد ناس غيري..و لحن الفقارى ما عندنا وياها عقود غير الوصولات مالت الانصاري و البنك..المصيبة الحين انها ناااااكرة نكران تام انها نصبت علينا ..حجتها انها ما سلمتنا اي عقد…القضاء شكله متأكد من الجريمة بس طبعا هم ما بيمشون ع هواهم لازم يمشون ع الاوراق و الادله و اعتراف الجاني..ما اعرف هذا اللي فهمته..الحرمة بايعه ذمتها موليه..بس وين بتروح عن رب العالمين
اذا الحولات موجوده هذا اكبر دليل علي استلامها وذا حتي ضاعت من عندك سيري الجها الي حولتي الفلوس عن طريقه حتي لو صراف كل شي امسجل حتي تقدرين تاخذين صورة وصل استلام الحرمه للفلوس طبعن هذا الشي تقدرين تاخذينه عن طريق رساله من النيابه لانه اي شخص يستلم اي مبلغ يوقع علي وصل الاستلام عند الصراف
لا حول ولا قوة إلا بالله
حسبي الله ونعم الوكيل
يا ويلها من الله كيف ترضى ع نفسها تاكل مال حرام وتأكل عيالها !!!!
الله يكون فعونج ويفك كربتج يارب إن شاء الله
قولي حسبي الله ونعم الوكيل 400 مره
واقري عليها ايات الحيره
سورة الفاتحه مره واحده قل هو الله احد 3 مرات
المعوذتين 3 مرات لكل وحده
سورة الطارق وعندما تاتين على الايه انه على رجعه لقادر كرريها 7 مرات
ايه من سورة لقمان (( يابني إنها إن تك مثقال حبة من خردلٍ فتكن في صخرة أو في السموات أو في الأرض يأت بها الله إنّ الله لطيف خبير”.
كرري يأتي بها الله 7 مرات
وان شاء الله بيرد حقج
هذا والله اعلم